ខេត្តព្រៃវែង ៖ បុរសម្នាក់បានសម្រេចចិត្តបញ្ចប់ជីវិតដែលសំបូរទៅដោយជំងឺប្រចាំកាយមើលមិនជា ដោយការចង.កនៅក្នុងផ្ទះ ដែលគេទុកចោល ខណៈម្ចាស់ទៅរកស៊ីនៅឆ្ងាយ ។ ហេតុការណ៍នេះបានកើតឡើងកាលពីវេលាម៉ោងប្រមាណ៣រសៀលថ្ងៃទី១៨ ខែមេសា ឆ្នាំ២០១៨…
ខេត្តព្រៃវែង ៖ បុរសម្នាក់បានសម្រេចចិត្តបញ្ចប់ជីវិតដែលសំបូរទៅដោយជំងឺប្រចាំកាយមើលមិនជា ដោយការចង.កនៅក្នុងផ្ទះ ដែលគេទុកចោល ខណៈម្ចាស់ទៅរកស៊ីនៅឆ្ងាយ ។ ហេតុការណ៍នេះបានកើតឡើងកាលពីវេលាម៉ោងប្រមាណ៣រសៀលថ្ងៃទី១៨ ខែមេសា ឆ្នាំ២០១៨ នៅចំណុចផ្ទះទុកចោល ដែលជារបស់ឈ្មោះ កុន យ៉ាណា ភេទប្រុស អាយុ ៤៥ឆ្នាំ ភូមិត្រពាំងព្រះទី ២ ឃុំព្រៃឃ្នេសស្រុក មេសាង ខេត្តព្រៃវែង ។
សមត្ថកិច្ចបានឱ្យដឹងថា ជនរងគ្រោះដែលគិតខ្លីខាងលើមានឈ្មោះ មួន មាន ភេទប្រុស អាយុ៥៨ឆ្នាំ រស់នៅក្នុងភូមិឃុំកើតហេតុខាងលើ ។ សមត្ថកិច្ចបានបន្តថា មូលហេតុដែលធ្វើឱ្យជនរគ្រោះខាងលើគិតខ្លី គឺដោយសារ តែជនរងគ្រោះមានជំងឺប្រចាំកាយដែលមើលយ៉ាងណាក៏មិនជា ធ្វើឱ្យរូបគេពិបាកចិត្ត កើតស្ត្រេស ហើយគិតខ្លីដោយបានយកខ្សែដែលគេទុកចងគោប្រវែង២ម៉ែត្រ តជាប់ជាមួយនឹងក្រម៉ា ហើយយកទៅចង.ក និងននងផ្ទះរបស់ឈ្មោះ កុន យ៉ាណា ដែលម្ចាស់ផ្ទះមិននៅ ហើយទុកចោល ព្រោះម្ចាស់ចេញទៅរកស៊ីនៅស្រុកឆ្ងាយយូរហើយ ។
ក្រោយកើតហេតុ មន្ត្រីជំនាញបានចុះទៅទីតាំងកើតហេតុ រួចធ្វើការពិនិត្យ ហើយរកឃើញថា ជនរងគ្រោះពិតជាស្លាប់ដោយសារ តែការចង.កពិតប្រាកដមែន ។ បច្ចុប្បន្នសមត្ថកិច្ចបានប្រគល់សពទៅឲ្យក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ