ខេត្តរតនគិរី ៖ បុរសម្នាក់បានធ្វើអត្តឃាត ដោយយកកាំភ្លើងAK៤៧បាញ់ខ្លួនឯង ក្រោយពីត្រូវបានឪពុកម្ដាយស្ទីសន្ទោស រឿងដើរផឹកស៊ីច្រើនពេក។ ហេតុការណ៍បាញ់សម្លាប់ខ្លួនឯងបង្កឱ្យមានការភ្ញាក់ផ្អើលនេះបានកើតឡើង នៅវេលាម៉ោង៩ និង១០នាទីយប់ ថ្ងៃអាទិត្យ១កើត…
ខេត្តរតនគិរី ៖ បុរសម្នាក់បានធ្វើអត្តឃាត ដោយយកកាំភ្លើងAK៤៧បាញ់ខ្លួនឯង ក្រោយពីត្រូវបានឪពុកម្ដាយស្ទីសន្ទោស រឿងដើរផឹកស៊ីច្រើនពេក។ ហេតុការណ៍បាញ់សម្លាប់ខ្លួនឯងបង្កឱ្យមានការភ្ញាក់ផ្អើលនេះបានកើតឡើង នៅវេលាម៉ោង៩ និង១០នាទីយប់ ថ្ងៃអាទិត្យ១កើត ខែពិសាខ ឆ្នាំច សំរឹទ្ធស័ក ព.ស២៥៦២ ត្រូវថ្ងៃទី១៥ ខែមេសា ឆ្នាំ២០១៨ នៅចំណុចកំពង់ទឹកជិតផ្ទះជនរងគ្រោះ ស្ថិតភូមិវើនហយ ឃុំហាត់ប៉ក់ ស្រុកវើនសៃ ខេត្តរតនគិរី។ ប្រភពពីសមត្ថកិច្ចស្រុកវើនសៃបានឲ្យដឹងថា ជនដែលធ្វើអត្តឃាតនោះមានឈ្មោះ ស៊ូ លាងតាក់ ភេទប្រុស អាយុ២២ឆ្នាំ ជនជាតិឡាវ រស់នៅភូមិឃុំកើតហេតុខាងលើ។
ប្រភពបន្តថា យុវជនខាងលើ បានប្រើប្រាស់កាំភ្លើង AK47បាញ់ខ្លួនឯងចំក្រោមមាត់ធ្លាយទៅលលាដ៏ក្បាលផ្នែកខាងលើ ប្រកាច់ស្លាប់ភ្លាមៗតែម្តង។ មូលហេតុដែលជនរងគ្រោះធ្វើបែបនេះព្រោះតែ ដោយសារតែខឹងនឹងឪពុកម្ដាយស្ដីបន្តោសរឿងដើរលេង ផឹកស៊ីច្រើនពេកទើបធ្វើឲ្យរូបគេសម្រេចចិត្តសម្លាប់ខ្លួនឯងតែម្ដងទៅ។ បន្ទាប់ពីកើតហេតុភ្លាមៗ ផ្នែកជំនាញយុត្តិធម៌ និងបច្ចេកទេសស្រុកសហការជាមួយកម្លាំងនគរបាលប៉ុស្តិ៍ និងអាជ្ញាធរមូលដ្ឋាន បានធ្វើការចុះទៅពិនិត្យដល់កន្លែង កើតហេតុ។
តាមការបំភ្លឺពីក្រុមគ្រួសារជនរងគ្រោះនិងសាក្សីនៅក្បែកន្លែងកើតហេតុ បានបញ្ជាក់ថា យុវជននេះពិតជាបាញ់សម្លាប់ខ្លួនឯងពិតប្រាកដមែន។ ក្រោយពីធ្វើការពិនិត្យរួចសមត្ថកិច្ចបានប្រគល់ សាកសពជនរងគ្រោះឱ្យក្រុមគ្រួសារសាច់ញាតិយកទៅធ្វើបុណ្យតាមប្រពៃណី។ ហើយកម្លាំងជំនាញអធិការកំពុងធ្វើការស្រាវជ្រាវលើករណីនេះបន្តទៀតផងដែរ តែសមត្ថកិច្ចពុំបានបញ្ជាក់ អំពីអាវុធបានមកពីណាដែលជនរងគ្រោះយកមកធ្វើសកម្មភាពនោះដែរ៕
ចែករំលែកព័តមាននេះ