ខេត្តព្រៃវែង ៖ បន្ទាប់ពីធ្វើការស្រាវជ្រាវយ៉ាងញាប់ដៃញាប់ជើងអស់រយៈពេលជិត២៤ម៉ោង សមត្ថកិច្ចស្រុកព្រះស្តេច សហការជាមួយកម្លាំងជំនាញនៃស្នងការនគរបាលខេត្តព្រៃវែង បានវែកមុខឃាតកចិត្តឃោរឃៅដែលបានប្រព្រឹត្តិបទល្មើសរំលោភ និងសម្លាប់ក្មេងស្រីវ័យត្រឹម ៥ឆ្នាំនៅស្រុកព្រះស្តេច។ បើតាមការឱ្យដឹងរបស់លោក ពៅ…
ខេត្តព្រៃវែង ៖ បន្ទាប់ពីធ្វើការស្រាវជ្រាវយ៉ាងញាប់ដៃញាប់ជើងអស់រយៈពេលជិត២៤ម៉ោង សមត្ថកិច្ចស្រុកព្រះស្តេច សហការជាមួយកម្លាំងជំនាញនៃស្នងការនគរបាលខេត្តព្រៃវែង បានវែកមុខឃាតកចិត្តឃោរឃៅដែលបានប្រព្រឹត្តិបទល្មើសរំលោភ និងសម្លាប់ក្មេងស្រីវ័យត្រឹម ៥ឆ្នាំនៅស្រុកព្រះស្តេច។ បើតាមការឱ្យដឹងរបស់លោក ពៅ ជីវី ស្នងការរងទទួលបន្ទុកផ្នែកព្រហ្មទណ្ឌខេត្ត បានឱ្យដឹងថា បន្ទាប់ពីកើតមានករណីរំលោភ និងសម្លាប់ដែលកើតឡើងនៅស្រុកព្រះស្តេច សមត្ថកិច្ចបានចុះស្រាវជ្រាវភ្លាមៗ ហើយជលទ្ធផលនៅថ្ងៃទី១៨ ខែមេសា ឆ្នាំ២០១៨នេះ។
កម្លាំងអធិការរដ្ឋាននគរបាលស្រុកព្រះស្ដេច បានសហការជាមួយកម្លាំងជំនាញនគរបាល ខេត្តបានឃាត់ខ្លួនជនសង្ស័យបានម្នាក់ដែលមានឈ្មោះ ពេជ ពិសី ភេទប្រុស អាយុ២៥ឆ្នាំ រស់់នៅភូមិសទ្ធា ឃុំរំចេក ស្រុកព្រះស្ដេច ដែលបានប្រព្រឹត្តបទល្មើសករណីរំលោភសម្លាប់ ទៅលើក្មេងស្រីអាយុ៥ឆ្នាំ កាលពីថ្ងៃទី១៧ ខែមេសា ឆ្នាំ២០១៨ វេលាម៉ោងប្រហែល១រសៀល ទៅលើក្មេងស្រីឈ្មោះ ចាន់ ស្រីដេត អាយុ៥ឆ្នាំ រស់នៅភូមិសទ្ធា ឃុំរំចេក ស្រុកព្រះស្តេច និងមានឪពុកឈ្មោះ ពុត ចាន់ អាយុ៤៨ឆ្នាំ ម្តាយឈ្មោះ រស់ ហេន អាយុ៣២ឆ្នាំ នៅភូមិសទ្ធា ឃុំរំចេក ស្រុកព្រះស្ដេច។
គួរបញ្ជាក់ផងដែរថា កាលពីវេលាម៉ោង១ និង៣០នាទីរសៀល ថ្ងៃទី១៧ ខែមេសា ឆ្នាំ ២០១៨ មានការភ្ញាក់ផ្អើលមួយដោយប្រជាពលរដ្ឋបានប្រទះឃើញសាកសពក្មេងស្រីម្នាក់ ដែលត្រូវបានឃាតករំលោភនៅក្នុងចេតីយមួយក្នុងវត្តសទ្ធា រួចក៏ច្របាច់កសម្លាប់ ហើយបានយកសពមកទម្លាក់ចោលក្បែរមាត់ស្រះដែលនៅជិតនោះ។ ខណៈដែលក្មេងស្រីរងគ្រោះរត់តាមបងស្រីមកមើលគេរាំនៅក្នុងវត្ត ដោយបងស្រីមិនបានដឹងថាប្អូនរត់តាមមកនោះទេ ដែលធ្វើឱ្យឃាតកឆ្លៀតឱកាសដែលឃើញក្មេងដើរម្នាក់ឯងក៏ចាប់យកទៅរំលោភតែម្តងទៅ។ បច្ចុប្បន្នជនសង្ស័យត្រូវសមត្ថកិច្ចឃាត់ខ្លួននៅអធិការដ្ឋាននគរបាលស្រុកព្រះស្ដេច ហើយសមត្ថកិច្ចកំពុងកសាងសំណុំរឿងទៅតាមនីតិវិធី៕
ចែករំលែកព័តមាននេះ