ខេត្តបន្ទាយមានជ័យ ៖ ប្រាសាទបន្ទាយឆ្មារ និងប្រាសាទបន្ទាយទ័ព ស្រុកថ្មពួក ថ្ងៃបុណ្យចូលឆ្នាំថ្មីប្រពៃណីខ្មែរ ឆ្នាំ២០១៨ ប្រជាពលរដ្ឋមកកម្សាន្តច្រើនជាងឆ្នាំមុន ។ ជាក់ស្តែងនៅថ្ងៃបុណ្យចូលឆ្នាំថ្មី…
ខេត្តបន្ទាយមានជ័យ ៖ ប្រាសាទបន្ទាយឆ្មារ និងប្រាសាទបន្ទាយទ័ព ស្រុកថ្មពួក ថ្ងៃបុណ្យចូលឆ្នាំថ្មីប្រពៃណីខ្មែរ ឆ្នាំ២០១៨ ប្រជាពលរដ្ឋមកកម្សាន្តច្រើនជាងឆ្នាំមុន ។ ជាក់ស្តែងនៅថ្ងៃបុណ្យចូលឆ្នាំថ្មី (ឆ្នាំច) ឆ្នាំ២០១៨ ត្រូវថ្ងៃបុណ្យចូលឆ្នាំថ្ងៃទី៣ ឃើញមានបងប្អូនប្រជាពលរដ្ឋចូលមកកម្សាន្តច្រើនដែលចូលតាមច្រកទ្វារនៅខាងត្បូងប្រាសាទ និងផ្លូវខាងកើតប្រាសាទ ដែលមានកងកម្លាំងនគរបាល និងកងរាជអាវុធហត្ថការពារ និងរៀបចំសណ្តាប់ធ្នាប់ និងធ្វើចរាចរចេញចូលដោយគ្មានការកកស្ទះ ។
សកម្មភាពបងប្អូនប្រជាពលរដ្ឋដែលចូលមកកម្សាន្តដូចការរ៉ាំរ៉ែកដោយក្រុមតន្ត្រីកន្ត្រឹម និងរាំងធុងបាស់ និងលេងល្បែងប្រជាប្រិយ និងដើរកម្សាន្តជាគ្រួសារមើលប្រាសាទបន្ទាយឆ្មារ ។ ក្នុងឱកាសនោះដែរ លោក ឌៀប ឈួន អភិបាលស្រុកថ្មពួក បានប្រាប់ថា ៖ បុណ្យចូលឆ្នាំប្រពៃណីខ្មែរ ឆ្នាំ២០១៨នេះ នៅប្រាសាទបន្ទាយឆ្មារ បានរៀបចំដោយ លោកស្រី ម៉ៅ ម៉ាល័យ និងឧបនាយករដ្ឋមន្ត្រី កែ គឹមយ៉ាន រួមជាមួយអាជ្ញាធរខេត្តបន្ទាយមានជ័យ និងស្រុកថ្មពួក ដើម្បីរៀបចំល្បែងប្រជាប្រិយជាច្រើនសម្រាប់បងប្អូនប្រជាពលរដ្ឋចូលលេងកម្សាន្ត ។
លោកបានបញ្ជាក់ថា ៖ តាមការកត់សម្គាលបុណ្យចូលឆ្នាំថ្មី ឆ្នាំច ឆ្នាំ២០១៨នេះ នៅប្រាសាទបន្ទាយឆ្មារ មានប្រជាពលរដ្ឋមកកម្សាន្តច្រើនជាងឆ្នាំ២០១៧កន្លងទៅ តែនៅប្រាសាទបន្ទាយទ័ព មានបងប្អូនប្រជាពលរដ្ឋចូលលេង និងកម្សាន្តដូចគ្នា ។ (លោក ឌៀប ឈួន បានផ្តល់បទសំភាសន៍)
លោក ឌៀប ឈួន បានបញ្ជាក់ថា ៖ ប្រាសាទបន្ទាយឆ្មារ និងប្រាសាទបន្ទាយទ័ព ក្រោយមានការរៀបចំដោយ លោកស្រី ម៉ៅ ម៉ាល័យ និងឧបនាយករដ្ឋមន្ត្រី កែ គឹមយ៉ាន ឆ្នាំ២០១៨នេះ ប្រជាពលរដ្ឋមកពីទីជិតឆ្ងាយមកកម្សាន្តច្រើន ហើយនៅឆ្នាំខាងមុខនេះ ប្រជាពលរដ្ឋចូលមកលេងល្បែងប្រជាប្រិយ និងទស្សនាប្រាសាទបន្ទាយឆ្មារ និងប្រាសាទបន្ទាយទ័ព ស្ថិតក្នុងស្រុកថ្មពួក ខេត្តបន្ទាយមានជ័យ ៕
ចែករំលែកព័តមាននេះ