រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ខណៈពេលនេះសង្ក្រាន្តវត្តភ្នំចាប់ផ្តើមដំណើរការហើយ ដោយកម្មវិធីនេះមានការចូលរួមក្រោមអធិបតីភាពលោក ឃួង ស្រេង អភិបាលរាជធានីភ្នំពេញ និងភរិយា ព្រមទាំងលោក ម៉ក សារិទ្ធ ប្រធានក្រុមប្រឹក្សារាជធានីភ្នំពេញ ។
ជាការកត់សម្គាល់ឃើញថា នៅឆ្នាំនេះសង្ក្រាន្តវត្តភ្នំមានកម្មវិធីប្លែកៗ ព្រោះមានការដង្ហែទង់វែងចំនួន២ជុំវិញវត្តភ្នំ ដោយមានប្រធានក្រុមប្រឹក្សា និងភរិយាដង្ហែទង់មួយ និងអភិបាលរាជធានីភ្នំពេញដង្ហែទង់មួយទៀត ក្រោយពីដង្ហែមួយជុំវត្តភ្នំហើយ ចងជាមួយនឹងខ្សែពួរ រួចទាញបង្ហូតឡើងលើដងទង់តែម្តង ដើម្បីអបអរសាទរទទួលទេវតាឆ្នាំថ្មី ឆ្នាំច ដែលនឹងយាងមកដល់ហើយក្នុងឱកាសចូលឆ្នាំថ្មីប្រពៃណីខ្មែរនេះ ។
ចែករំលែកព័តមាននេះ