ខេត្តព្រៃវែង ៖ បុរសម្នាក់ត្រូវបានសាច់ញាតិរកឃើញដេកស្លាប់នៅក្នុងវាលស្រែចម្ងាយ២.៣០០ម៉ែមត្រពីផ្ទះ ខណៈពេលដែលបុរសខាងលើបានបាត់ពីផ្ទះពេញមួយយប់ ដោយប្រាប់ថា យកខ្សែភ្លើងទៅរាយឆក់កណ្តុរនៅស្រែ ហេតុការណ៍ប្រទះឃើញនេះ គឺព្រឹកថ្ងៃទី១២ ខែមេសា វេលាម៉ោងប្រមាណជា១០និង៣០នាទី…
ខេត្តព្រៃវែង ៖ បុរសម្នាក់ត្រូវបានសាច់ញាតិរកឃើញដេកស្លាប់នៅក្នុងវាលស្រែចម្ងាយ២.៣០០ម៉ែមត្រពីផ្ទះ ខណៈពេលដែលបុរសខាងលើបានបាត់ពីផ្ទះពេញមួយយប់ ដោយប្រាប់ថា យកខ្សែភ្លើងទៅរាយឆក់កណ្តុរនៅស្រែ ហេតុការណ៍ប្រទះឃើញនេះ គឺព្រឹកថ្ងៃទី១២ ខែមេសា វេលាម៉ោងប្រមាណជា១០និង៣០នាទី ស្ថិតក្នុងភូមិទំពាំងជ្រើស ឃុំព្រៃស្នៀត ស្រុកពារាំង ខេត្តព្រៃវែង ។
ប្រភពពីសមត្ថកិច្ចឱ្យដឹងថា បុរសរងគ្រោះខាងលើឈ្មោះ ឡេង ងឿន ភេទប្រុស អាយុ42ឆ្នាំ នៅភូមិទំពាំងជ្រើស ឃុំព្រៃស្នៀត ស្រុកពារាំង ខេត្តព្រៃវែង ។
ប្រភពបានបន្តថា តាមការឱ្យដឹងពីសាច់ញាតិជនរងគ្រោះប្រាប់ថា មុនកើតហេតុ គឺនៅយប់ថ្ងៃទី១១ មេសា ជនរងគ្រោះបានចេញពីផ្ទះ រួមជាមួយខ្សែភ្លើងមួយចំនួន ដោយប្រាប់អ្នកផ្ទះថា ខ្លួនចេញទៅរាយខ្សែភ្លើង ដើម្បីឆក់សត្វកណ្តុរ ហើយបាត់ជនរគ្រោះមិនឃើញត្រឡប់មកផ្ទះវិញសោះ សាច់ញាតិបងប្អូនក៏នាំគ្នាចេញតាមរករហូតដល់ព្រឹកថ្ងៃទី១២ មេសា ម៉ោងប្រមាណ១០និង៣០នាទី ក៏ប្រទះឃើញសពជនរងគ្រោះដេកស្លាប់នៅក្នុងស្រែរបស់ខ្លួនបាត់ទៅហើយ ។
ក្រោយពីឃើញបែបនេះ ក្រុមគ្រួសារសពក៏មករាយការណ៍ជូនសមត្ថកិច្ច ដើម្បីទៅពិនិត្យសពហើយបានរកឃើញថា ជនរងគ្រោះពិតជាស្លាប់ដោយសារការរាយខ្សែភ្លើង ដើម្បីឆក់កណ្តុរ បែរជាឆក់ខ្លួនឯងស្លាប់ពិតមែន ។ បច្ចុប្បន្នបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។
ចែករំលែកព័តមាននេះ