រាជធានីភ្នំពេញ ៖ ដើម្បីលើកសោភ័ណភាពរាជធានីភ្នំពេញ នៅក្នុងឱកាសបុណ្យចូលឆ្នាំថ្មីប្រពៃណីជាតិ ខ្មែរ ឆ្នាំច សំរិទ្ធិស័ក ព.ស២៥៦២ និងដើម្បីកាត់បន្ថយការកកស្ទះចរាចរណ៍គ្រោះថ្នាក់ចរាចរណ៍ផងនោះ រដ្ឋបាលរាជធានីភ្នំពេញ បានធ្វើការតុបតែងភ្លើងបំភ្លឺតាមបង្គោលភ្លើង និងដើមឈើឲ្យកាន់តែ មានសោភ័ណភាពរីកស្រស់បំព្រងមួយកម្រិតថែមទៀត។ មន្ត្រីរដ្ឋបាលរាជធានីភ្នំពេញបានឲ្យដឹងថា មហាវិថីសំខាន់ៗមួយចំនួននៅក្នុងរាជធានីភ្នំពេញ ត្រូវ បានក្រុមការងាររបស់រដ្ឋបាលរាជធានីភ្នំពេញ រៀបចំតុងតែងលម្អជាអំពូលភ្លើង នៅតាមបង្គោលភ្លើង ដែលធ្វើឲ្យរាជធានីភ្នំពេញ បង្អួតសម្រស់យ៉ាងស្រស់ត្រកាលនៅក្នុងពេលរាត្រី។
ជាក់ស្តែងនៅរាត្រីថ្ងៃទី១២ ខែមេសា ឆ្នាំ២០១៨ នៅរាជធានីភ្នំពេញ ពិតជាមានភាពស្រស់ត្រកាលតែម្តង។ គួរកត់សម្គាល់ថា ក្នុងរយៈពេលចុងក្រោយនេះ រដ្ឋបាលរាជធានីភ្នំពេញ បានដាក់បង្គោលភ្លើងបំភ្លឺជាច្រើនផ្លូវរួចមកហើយ ដូចជាផ្លូវកប់ស្រូវ ហាណូយ ២៧១ ផ្លូវជាតិលេខ៦A ផ្លូវជើងឯក ផ្លូវវេងស្រេងជាដើម។ ហើយការដាក់បង្គោលភ្លើងព្រែកជាពីរនេះ ពិតជាទទួលបានការគាំទ្រពីប្រជាពលរដ្ឋព្រោះ ការប្តូរបង្គោលភ្លើងបំភ្លឺមកដាក់កណ្តាលទ្រូងផ្លូវបែបនេះ វាមិនត្រឹមតែ លើកសោភ័ណភាពរាជធានីភ្នំពេញតែមួយនោះទេ វាបានកាត់បន្ថគ្រោះថ្នាក់ចរាចរណ៍ផងដែរ៕
https://youtu.be/SwdUvJFjyrM
ចែករំលែកព័តមាននេះ