ខេត្តសៀមរាប ៖ ក្រុមហ៊ុនខ្មែរ ប៊ែវើរីជីស បានឧបត្ថម្ភធុងសំរាមចំនួន១.០០០ធុង ជូនរដ្ឋបាលខេត្តសៀម រាប សម្រាប់ប្រើប្រាស់នៅក្នុងតំបន់ ប្រារព្ធព្រឹត្តិការណ៍អង្គរសង្ក្រាន្តឆ្នាំ២០១៨ កាលពីព្រឹកថ្ងៃទី១០ ខែ មេសា ឆ្នាំ២០១៨ នៅសាលាខេត្តសៀមរាប។ លោក លាង ពៅ (ភីធើរ) អគ្គនាយក ក្រុមហ៊ុន ខ្មែរ ប៊ែវើរីជីស បានមានប្រសាសន៍ថា «ការគ្រប់គ្រងសំរាម ជាពិសេសក្នុងព្រឹត្តិការណ៍ អង្គរសង្គ្រាន្ត គឺ ជាកិច្ចការសំខាន់មួយ ដែលរដ្ឋបាលខេត្តសៀមរាប និងសហភាពសហព័ន្ធយុវជនកម្ពុជា តែងយកចិត្ត ទុកដាក់ខ្ពស់។ ក្រុមហ៊ុនខ្មែរ ប៊ែវើរីជីស ពិតជាមានមោទនៈភាពដែលក្នុងឆ្នាំនេះយើងអាចចូលរួមចំណែក សម្រាលបន្ទុកនេះបានមួយកម្រិត »។
បើតាមការរំពឹងទុករបស់សហភាពសហព័ន្ធយុវជនកម្ពុជា អង្គរសង្ក្រាន្ត ឆ្នាំ២០១៨នេះ អាចនឹងទាក់ទាញភ្ញៀវ ទេសចរណ៍ជាតិ និងអន្តរជាតិ យ៉ាងតិច១លាន ៣សែននាក់ មកទឹកដីអង្គរដែលជាហេតុធ្វើឲ្យការគ្រប់គ្រងសំរាម គឺជាកត្តាសំខាន់មួយមិនអាចមើល រំលង។ ក្រៅពីធុងសំរាមទាំង១.០០០ធុង ក្រុមហ៊ុន ខ្មែរប៊ែវើរីជីស ក៏បានបញ្ជួនរថយន្តសម្អាតផ្លូវធុនធ្ងន់ ចំនួនពីរគ្រឿង ដើម្បីលាងសម្អាតផ្លូវនានាក្នុងក្រុងសៀមរាបពិសេសផ្លូវក្នុងតំបន់ប្រារព្ធព្រឹត្តិការណ៍ អង្គរសង្ក្រាន្តចាប់ពីថ្ងៃទី៣ រហូតដល់ថ្ងៃទី២២ ខែមេសា ឆ្នាំ២០១៨នេះផងដែរ។
ក្រុមហ៊ុនខ្មែប៊ែវើរីជីស ជាក្រុមហ៊ុនវិនិយោគដោយខ្មែរ១០០% និងមានផលិតផលជាច្រើនរួមមាន ស្រាបៀរកម្ពុជា ស្រាបៀរស្តោត Barrley Black ស្រាបៀរគូដូ ទឹកសុទ្ធកម្ពុជា ភេសជ្ជៈប៉ូវកម្លាំង វើក ភេសជ្ជៈអាយស៍ និងទឹកផ្លែឈើជូប៕
ចែករំលែកព័តមាននេះ