ខេត្តព្រៃវែង ៖ ក្មេងប្រុសម្នាក់បានបាត់បង់ជីវិតភ្លាមៗ ដោយសារតែម្ដាយមានការធ្វេសប្រហែស ខណៈដែលជិះម៉ូតូបីកូន ហើយរុំកូននឹងកន្សែង ហើយបណ្ដាលឲ្យកន្សែងចូលកាំម៉ូតូពេលកំពុងបើកបរ រួចទាញទាំងក្មេងចូលកាំម៉ូតូបណ្ដាលឲ្យស្លាប់ភ្លាមៗតែម្ដង។ ហេតុការណ៍នេះ បានកើតឡើងនៅវេលា…
ខេត្តព្រៃវែង ៖ ក្មេងប្រុសម្នាក់បានបាត់បង់ជីវិតភ្លាមៗ ដោយសារតែម្ដាយមានការធ្វេសប្រហែស ខណៈដែលជិះម៉ូតូបីកូន ហើយរុំកូននឹងកន្សែង ហើយបណ្ដាលឲ្យកន្សែងចូលកាំម៉ូតូពេលកំពុងបើកបរ រួចទាញទាំងក្មេងចូលកាំម៉ូតូបណ្ដាលឲ្យស្លាប់ភ្លាមៗតែម្ដង។
ហេតុការណ៍នេះ បានកើតឡើងនៅវេលា ម៉ោង៨ព្រឹក ថ្ងៃទី១២ មេសា ២០១៨នេះ នៅចំណុចមុខផ្ទះឈ្មោះ ជុល អឿង ភេទប្រុស នៅភូមិឆ្អឹងជំនី ឃុំកញ្ជ្រៀច ស្រុកកញ្ជ្រៀច ខេត្តព្រៃវែង។ ប្រភពពីសមត្ថកិច្ចបានឲ្យដឹងថា ក្មេងដែលស្លាប់នោះមានឈ្មោះ អេង ម៉េងហ៊ួ ភេទប្រុស អាយុ១ខែកន្លះ ឪពុកឈ្មោះ អូន អេង អាយុ២៩ឆ្នាំ និងម្តាយឈ្មោះ ម៉េង នាត អាយុ១៩ឆ្នាំ រស់នៅភូមិច្រកច្របក់ ឃុំជប់ ស្រុកត្បូងឃ្មុំ ខេត្តត្បូងឃ្មុំ។ បច្ចុប្បន្នសពទារក ត្រូវបានក្រុមគ្រួសារយកទៅធ្វើបុណ្យតាមប្រពៃណីនៅឯស្រុកបាត់ហើយ៕
ចែករំលែកព័តមាននេះ