ខេត្តកំពង់ចាម ៖ ក្នុងការពង្រឹងសណ្តាប់ធ្នាប់នាឱកាសបុណ្យចូលឆ្នាំប្រពៃណីជាតិខ្មែខាងមុខនេះ សមត្ថកិច្ចនៅតាមបណ្តាអធិការដ្ឋាននគរបាលស្រុកក្រុងទាំង១០ បានរៀបចំនូវលក្ខណៈសម្បតិ្តរួចរា ល់ហើយដែរ។ ដោយមានដាក់កម្លាំងនៅតាមគោលដៅសំខាន់ៗ ក្នុងនោះមាននៅរង្វង់មូលក្បាលស្ពាន គីហ្ស៊ុណាក្រុងកំពង់ចាម ហើយក៏បានណែនាំដល់អ្នកបើកបររថយន្តគ្រប់ប្រភេទមិនឲ្យដឹកសំពីងសំ…
ខេត្តកំពង់ចាម ៖ ក្នុងការពង្រឹងសណ្តាប់ធ្នាប់នាឱកាសបុណ្យចូលឆ្នាំប្រពៃណីជាតិខ្មែខាងមុខនេះ
សមត្ថកិច្ចនៅតាមបណ្តាអធិការដ្ឋាននគរបាលស្រុកក្រុងទាំង១០ បានរៀបចំនូវលក្ខណៈសម្បតិ្តរួចរា
ល់ហើយដែរ។ ដោយមានដាក់កម្លាំងនៅតាមគោលដៅសំខាន់ៗ ក្នុងនោះមាននៅរង្វង់មូលក្បាលស្ពាន
គីហ្ស៊ុណាក្រុងកំពង់ចាម ហើយក៏បានណែនាំដល់អ្នកបើកបររថយន្តគ្រប់ប្រភេទមិនឲ្យដឹកសំពីងសំ
ពោងឬផ្ទុកលើសចំណុះផងដែរ។ លោកឧត្តមសេនីយ៍ត្រី សោម រស់ ស្នងការរងនគរបាលខេត្ត ទទួលផែនសណ្តាប់ធ្នាប់ប្រាប់ឲ្យដឹងនៅរសៀលថ្ងៃទី១១ មេសា ២០១៨ថា នៅយប់ថ្ងៃទី១០ មេសា ២០១៨ ត្រង់ចំណុចរង្វង់មូលទន្លេអុំ ក្នុងក្រុងកំពង់ចាម មានរថយន្តដឹកដំឡូងមីក្រៀម០១គ្រឿង បានប្រើប្រាស់ល្បឿនលើសកម្រិត ហើយបានក្រឡាប់ដោយខ្លួនឯង មិនបង្កគ្រោះថ្នាក់ដល់អ្នកដទៃ នោះទេ តែបានធ្វើឲ្យខូចទ្រព្យសម្បត្តិសាធារណៈ ដោយសារតែអ្នកបើកបរឈ្មោះ ថន សុខា ភេទប្រុស អាយុ៣១ឆ្នាំ មានផ្ទុកនូវសារធាតុអាល់កុលដែលបានប្រព្រឹត្តផ្ទុយនឹងច្បាប់បើកបរ។
លោកឧត្តមសេនីយ៍ត្រី សោម រស់ ស្នងការរងនគរបាលខេត្តបន្តថា ដោយមានការណែនាំពីសំណាក់ លោក គួច ចំរើន អភិបាលខេត្ត និងលោកឧត្តមសេនីយ៍ទោ ឯម កុសល ស្នងការនគរបាលខេត្ត ដោយឲ្យសមត្ថកិច្ចនគរបាលចរាចរណ៍ត្រូវតែបង្កើនយកចិត្តទុកដាក់ ដោយរៀបចំដាក់កម្លាំងការពារ នៅតាមតំបន់រមណីយដ្ឋានចំនួន០៥កន្លែងក្នុងនោះមានដូចជា ឆ្នេរខ្សាច់កោះប៉ែន ភ្នំហាន់ជ័យ វត្តនគរបាជ័យក្រៅ ភ្នំប្រុសភ្នំស្រី និងរមណីយដ្ឋានទឹកឆា ស្ថិតនៅស្រុកព្រៃឈរ។ ត្រង់ចំណុចទីតាំងប្រឈមដែលងាយនឹងស្ទះចរាចរណ៍ក្នុងនោះមានត្រង់រង្វង់មូលក្បាលស្ពានគីហ្ស៊ុណា ត្រូវបានដាក់កម្លាំងយាមប្រចាំការទាំងយប់ទាំងថ្ងៃតែម្តង ដោយចាប់ផ្តើមតាំងពីថ្ងៃទី២៨ មីនា ២០១៨ បន្តរហូតមកដល់មកដល់ពេលនេះ នូវតែបន្តដាក់កម្លាំងដដែល។
ចំណុចផ្លូវបំបែកផ្សារព្រៃទទឹង និងផ្សាស្គន់ ស្រុកជើងព្រៃ សុទ្ធសឹងជាកន្លែងដែលត្រូវស្ទះចរាចរណ៍ ដែលទាមទារឲ្យមានសមត្ថកិច្ច ចាំជួយសម្រួលចរាចរណ៍។ លោកស្នងការរងនគរបាលខេត្តទទួលផែនសណ្តាប់ធ្នាប់បញ្ជាក់ថា ជាមួយនោះសមត្ថកិច្ចបានចុះទៅតាមចំណតរថយន្តដូចជានៅក្រុងកំពង់ចាម និងកន្លែងផ្សេងទៀត ដោយបានណែនាំឲ្យម្ចាស់រថយន្តត្រូវតែគោរពច្បាប់ចរាចរណ៍ពេលដឹកជញ្ជូន មិនឲ្យលើសទម្ងន់ ឬសំពីងសំពោងឡើយ។ ហើយអ្នកបើកបរយានយន្តទាំងឡាយ សូមនាំគ្នាគោរពច្បាប់ចរាចរណ៍ នូវពេលបើកបរមិនត្រូវទទួលទានជាតិស្រវឹង ឬគ្រឿងញៀននោះទេ ដើម្បីរក្សាសុវត្ថិភាពខ្លួនឯងផ្ទាល់ក៏ដូចជាអ្នកដទៃផងដែរ៕
ចែករំលែកព័តមាននេះ