រាជធានីភ្នំពេញ ៖ សំណុំរឿងអតីតមេឃុំគោករកា ភី ណុប នឹងបក្ខពួក៣នាក់ទៀត ពាក់ព័ន្ធករណីគប់គ្រាប់បែកនៅភូមិសែនសុខទី២ សង្កាត់ឃ្មួញ ខណ្ឌសែនសុខ បានបណ្តាលឱ្យកុមារាម្នាក់អាយុ១១ឆ្នាំស្លាប់…
រាជធានីភ្នំពេញ ៖ សំណុំរឿងអតីតមេឃុំគោករកា ភី ណុប នឹងបក្ខពួក៣នាក់ទៀត ពាក់ព័ន្ធករណីគប់គ្រាប់បែកនៅភូមិសែនសុខទី២ សង្កាត់ឃ្មួញ ខណ្ឌសែនសុខ បានបណ្តាលឱ្យកុមារាម្នាក់អាយុ១១ឆ្នាំស្លាប់ និង៥នាក់រងរបួសធ្ងន់ស្រាល កាលពីថ្ងៃទី0៩ ខែតុលា ឆ្នាំ២០១៤ ត្រូវបានតុលាការកំពូលបើកសវនាការនៅព្រឹកថ្ងៃទី១១ ខែមេសា ឆ្នាំ២០១៨ ដែលដឹកនាំដោយលោក សឹង បញ្ញាវុឌ្ឈ ជាប្រធានក្រុមប្រឹក្សាជំនុំជម្រះ និងលោក ជុំ សំបានជាតំណាងមហាអយ្យការ ។
ពេលសវនាការជនជាប់ចោទឈ្មោះ នួន សំរិទ្ធ ហៅម៉ាប់ បាននិយាយថា ពាក់ព័ន្ធនឹងការប្តឹងសារទុក្ខមកតុលាការកំពូលនេះ ដោយសារខ្លួនបានដឹងកំហុសដែលខ្លួនបានធ្វើ ទើបប្តឹងមកតុលាការ ដើម្បីបន្ធូរបន្ថយទោស ។
ចំណែកជនជាប់ចោទឈ្មោះ ពៅ ប៊ុនធឿន និងឈ្មោះ អេង បូលីន ក៏បានលើកឡើងដូចគ្នាដែលពាក់ព័ន្ធនឹងការប្តឹងមកតុលាការនេះ ។ ដោយឡែកជនជាប់ចោទឈ្មោះ ភី ណុប អវត្តមាននៅពេលសវនាការដោយសារ តែមានបញ្ហាសុខភាពមិនអាចចូលរួមសវនសការបាន ។ តំណាងឲ្យជនរងគ្រោះចំនួន៥នាក់ លោក សន ស៊ិន បានស្នើសុំឲ្យតុលាការតម្កល់ទោសជនជាប់ចោទទាំង៤នាក់នេះនៅដដែល ។ សវនាការនេះកំបាំងមុខជនជាប់ម្នាក់ គឺលោក ភី ណុប អតីតមេឃុំគោករកាមិនបានចូលរួមសវនាការ ព្រោះមានជម្ងឺ មិនត្រូវបាននាំខ្លួនមកសវនាការទេ ។ ថ្លែងក្នុងបន្ទប់សវនការចំពោះរឿងក្តីខាងលើនេះ លោក សឹង បញ្ញាវុឌ្ឈ ជាប្រធានក្រុមប្រឹក្សាជំនុំជម្រះក៏បានបញ្ចប់សវនាការរួចហើយៗ និងបន្តប្រកាសសាដីកានៅព្រឹកថ្ងៃទី១៨ ខែមេសា ឆ្នាំ២០១៨ ខាងមុខនេះ ។
គួររំលឹកថា ទាំងសាលាដំបូងរាជធានីភ្នំពេញ និងសាលាឧទ្ធរណ៍បានសម្រេចដូចគ្នាដោយប្រកាសសាលក្រមនឹងសាដីកាផ្តន្ទាទោស ក្រុមជនល្មើស៤នាក់ដាក់ពន្ធនាគារចន្លោះពី៣០ឆ្នាំដល់មួយជីវិត ។ តុលាការបានផ្តន្ទាទោសជនជាប់ចោទឈ្មោះ ភី ណុប អាយុ៤៦ឆ្នាំ ជាអតីតចៅសង្កាត់គោករកា និងឈ្មោះ នួន សំរិទ្ធ ហៅ ម៉ាប់ អាយុ២៨ឆ្នាំ ជាជនដៃដល់ដាក់ពន្ធនាគារម្នាក់ៗមួយជីវិត ពីបទផ្តើមគំនិតក្នុងអំពើឃាតកម្មគិតទុក្ខជាមុន និងឃាតកម្មគិតទុក្ខជាមុន ។ និងផ្តន្ទាទោសជនជាប់ចោទឈ្មោះ ពៅ ប៊ុនធឿន អាយុ២៣ឆ្នាំ ជាអតីតប្រធានសហគមន៍អណ្តូង៦ និងឈ្មោះ អេង បូលីន អាយុ២៨ឆ្នាំ ដាក់ពន្ធនាគារម្នាក់ៗ៣០ឆ្នាំ ពីបទ សមគំនិតក្នុងអំពើឃាតកម្មគិតទុក្ខជាមុន ៕
ចែករំលែកព័តមាននេះ