ខេត្តបាត់ដំបង ៖ នៅក្នុងបញ្ជាការដ្ឋានតំបន់ប្រតិបត្តិការសិករងខេត្តបាត់ដំបង យោធភូមិភាគទី៥ កងទ័ពជើងគោកនៃកងយោធពលខេមរភូមិន្ទ បានរៀបចំពិធីប្រកាសតែងតាំងផ្លាស់ប្តូរមុខងារ និងបំពាក់ឋានន្តរសក្តិជូនដល់នាយទាហានជាន់ខ្ពស់ កងយោធពលខេមរភូមិន្ទ ក្នុងអង្គភាពតំបន់ប្រតិបត្តិការសិករងខេត្តបាត់ដំបង នាព្រឹកថ្ងៃទី១០…
ខេត្តបាត់ដំបង ៖ នៅក្នុងបញ្ជាការដ្ឋានតំបន់ប្រតិបត្តិការសិករងខេត្តបាត់ដំបង យោធភូមិភាគទី៥ កងទ័ពជើងគោកនៃកងយោធពលខេមរភូមិន្ទ បានរៀបចំពិធីប្រកាសតែងតាំងផ្លាស់ប្តូរមុខងារ និងបំពាក់ឋានន្តរសក្តិជូនដល់នាយទាហានជាន់ខ្ពស់ កងយោធពលខេមរភូមិន្ទ ក្នុងអង្គភាពតំបន់ប្រតិបត្តិការសិករងខេត្តបាត់ដំបង នាព្រឹកថ្ងៃទី១០ ខែមេសា ឆ្នាំ២០១៨ ។
ក្រោមអធិបតីភាព នាយឧត្តមសេនីយ៍ មាស សុភា អគ្គមេ បញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក ព្រមទាំងមានការចូលរួមពីសំណាក់ ឧត្តមសេនីយ៍ឯក ជាសារ៉ន មេបញ្ជាការរង នាយសេនាធិការកងទ័ពជើងគោក ឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ ព្រមទាំងមានការចូលរួមពីសំណាក់ ឯកឧត្តម អស់លោកជានាយទាហានជាន់ខ្ពស់ក្នុង ខ ភ ម ជាច្រើនរូប ។
ក្នុងពិធីនោះដែរ បន្ទាប់លោកឧត្តមសេនីយ៍ត្រី អ៊ុក ឃ្នូច មេបញ្ជាការតំបន់ប្រតិបត្តិការសិករងខេត្តបាត់ដំបង ធ្វើសុន្ទរកថា ស្វាគមន៍នឹងរបាយការណ៍ដែលបញ្ជាក់ពីការរីកចម្រើនរបស់អង្គភាពតំបន់ប្រតិបត្តិការសិករងខេត្តបាត់ដំបងរួចមក ឧត្តមសេនីយ៍ទោ សុខ ប៊ុនថន នាយករងនាយកដ្ឋានបុគ្គលិកក្រសួងការពារជាតិ បានអានព្រះរាជក្រិត្យរបស់ព្រះមហាក្សត្រនឹងអនុក្រិត្យរបស់រាជរដ្ឋាភិបាលកម្ពុជា ស្តីពីការតែងតាំងផ្លាស់ប្តូរមុខងារ នឹងដំឡើងឋានន្តរសក្តិជូនដល់នាយទាហាននៃកងយោធពលខេមរភូមិន្ទ ក្នុងអង្គភាពតំបន់ប្រតិបត្តិការសិករងខេត្តបាត់ដំបង ក្នុងនោះព្រះរាជក្រិត្យនឹងអនុក្រិត្យបានសម្រេចតម្លើងឋានន្តរសក្តិថ្នាក់ឧត្តមសេនីយ៍ទោ ជូន ឧត្តមសេនីយ៍ត្រី អ៊ុក ឃ្នូច មេបញ្ជាការតំបន់ប្រតិបត្តិការសិករងខេត្តបាត់ដំបង ឥឡូវជា ឧត្តមសេនីយ៍ទោ មេបញ្ជាការរងយោធភូមិភាគទី៥ បន្ថែមលើមុខងារបច្ចុប្បន្ន និងក្រៅពីនោះអនុក្រិត្យបានប្រកាសតែងតាំងមុខងារថ្នាក់មេបញ្ជាការរងតំបន់ប្រតិបត្តិការសិករងខេត្តបាត់ដំបងចំនួន ១៧រូប ថ្នាក់នាយរងសេនាធិការចំនួន ៦រូប មេបញ្ជាការផ្នែកសិកររងស្រុកចំនួន៥រូប មេបញ្ជាការរង ផ្នែកសិករងស្រុកចំនួនចំនួន ៣រូប មេបញ្ជាការរង វរសេនាតូច ២រូបមេបញ្ជាការកងអនុសេនាធំ៣រូប នាយការិយាល័យ ២រូប និងនាយគិលានដ្ឋាន ១រូបផងដែរ ។
លោកនាយឧត្តមសេនីយ៍មាស សុភា បានមានមតិថា ខេត្តបាត់ដំបងជាតំបន់ក្តៅពីអតីតកាល ហើយបានបន្សល់ទុកអតីតយុទ្ធជនប្រមាណជាង១ម៉ឺននាក់ ដែលមានវ័យចំណាស់ និងខ្លះពិការទាំងខ្លួន ព្រោះតែបុព្វហេតុការពារជាតិមាតុភូមិ ហើយដោយសារការមើលឃើញសកម្មភាពនាយទាហាននៅតំបន់ប្រតិបត្តការសឹករងបាត់ដំបងបានយកចិត្តទុកដាក់ចំពោះបងប្អូនអតីតយុទ្ធជនក្នុងការដឹងគុណ ទើបរាជរដ្ឋាភិបាលសម្រេចតម្លើងឋានន្តរសក្កិជូនមន្ត្រីដែលមានស្នាដៃកន្លងមកនេះ ។
លោកនាយបានបញ្ជាក់អំពីបញ្ហានយោបាយនៅក្នុងប្រទេសកម្ពុជា គ្មានអ្វីដែលត្រូវជាប់គាំងឡើយ ព្រោះរាជរដ្ឋាភិបាលបានទប់ស្កាត់រាល់បាតុភាពញុះញង់ ពីបក្សប្រឆាំងដែលមានបំណងបំផ្លាញសុខសន្តិភាព ដែលរកបានដោយកម្រនៅក្នុងប្រទេសកម្ពុជានេះរួចមកហើយ ដំណើរការបោះឆ្នោតនៅតែប្រព្រឹត្តទៅដដែលនៅថ្ងៃទី២៩ ខែកក្កដាឆ្នាំ២០១៨ខាងមុខនេះនៅដដែល ហើយបញ្ហាព្រំដែនគ្មានអ្វីជាបញ្ហាជាមួយប្រទេសជិតខាងឡើយ ៕
ចែករំលែកព័តមាននេះ