ដល់​ប្រើ​វី​ធី​នេះ ​ទើបបាន​សម្រេច


ខេត្តព្រៃវែង ៖ កម្លាំង​ការិយាល័យ​ប្រឆាំង​បទល្មើស​គ្រឿងញៀន​នៃ​ស្នងការដ្ឋាន​នគរបាល​ខេត្តព្រៃវែង សហការ​ជាមួយ​កម្លាំង​អធិការដ្ឋាន​នគរបាល​ស្រុក​ពាមរ​ក៌ បាន​ចាប់​ឃាត់ខ្លួន​បុរស​២​នាក់ ។ ការ​ឃាត់ខ្លួន​ធ្វើ​ឡើង កាលពី​វេលា​ម៉ោង​៣​រសៀល​ថ្ងៃ​ទី​១០ មេ​សា នៅ​ចំណុច​ឡឥដ្ឋ របស់​ឈ្មោះ ភួង ផាត ដែល​ស្ថិត​ក្នុងភូមិ​ស្ទឹង​ស្លូត ឃុំ​អ្នក​លឿង ស្រុក​ពាមរ​ក៌ ខេត្តព្រៃវែង ។

ជនសង្ស័យ​ដែល​ត្រូវ​ឃាត់ខ្លួន​ទី​១- ឈ្មោះ ហាស់ ចាន់​ធីប ភេទ​ប្រុស អាយុ​២៤​ឆ្នាំ មុខរបរ​ជា​អ្នកបើកបរ​រថយន្ត មាន​ទីលំនៅ​ក្នុងភូមិ​-​ឃុំ​អ្នក​លឿង ស្រុក​ពាមរ​ក៌ មុខសញ្ញា​ជួញដូរ និង​រក្សា​ទុក​គ្រឿងញៀន និង​ទី​២ -​ឈ្មោះ ហ៊ុយ រ៉ា​ក់ ភេទ​ប្រុស អាយុ​២៣​ឆ្នាំ មានមុខរ​បរជា​អ្នកបើកបរ​រថយន្ត និង​ជា​មុខសញ្ញា​ប្រើប្រាស់​ថ្នាំ​ញៀន មាន​ទីលំនៅ​ក្នុងភូមិ​ផ្លូវ​រលួស ឃុំ​ជើងភ្នំ ស្រុក​បាភ្នំ ខេត្តព្រៃវែង ។
អ្នក​ទាំង​២​ត្រូវ​បាន​ឃាត់ខ្លួន បន្ទាប់​ពី​រក​ឃើញ​ថ្នាំ​ញៀន ប្រភេទ​ម្សៅ​ក្រាម​ពណ៌​ស ចំនួន​២៦​កញ្ចប់​តូច នៅ​ក្នុង​ខ្លួន​របស់​ពួក​គេ ។

មន្ត្រី​នរ​គ​របាល​ស្រុក​ពាមរ​ក៌​បាន​ឲ្យ​ដឹង​ថា មុន​ឈាន​ទៅ​ដល់​ការ​ឃាត់ខ្លួន​ជនសង្ស័យ​ទាំង​២​នាក់​នេះ សមត្ថកិច្ច​បាន​ប្រើប្រាស់​វិធានការ​ញុះញុង ដោយ​ប្រើ​បណ្តាញ​ឲ្យ​ទៅ​ទាក់ទង​សួរ​រក​ទិញ​ថ្នាំ ពេល​ដែល​ជនសង្ស័យ​ទុកចិត្ត​ហើយ យក​ថ្នាំ​មក​លក់​ឲ្យ ទើប​កម្លាំង​សមត្ថកិច្ច​ចូល​បង្ក្រាប​ជាក់ស្តែង​តែ​ម្តង ។

ជនសង្ស័យ​ទាំង​២​នាក់ ព្រមទាំង​វត្ថុ​តាង​ថ្នាំ​ញៀន ត្រូវ​បាន​កំលាំង​អធិការដ្ឋាន​នគរបាល​ស្រុក​ពាមរ​ក៌ កសាង​សំណុំរឿង​បញ្ជូន​ទៅ​កាន់​ស្នងការដ្ឋាន​នគរបាល​ខេត្ត នៅ​ព្រឹក​ថ្ងៃ​ទី​១១ មេ​សា ដើម្បី​ចាត់ការ​បន្ត​ទៅ​តាម​នីតិវិធី ៕

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ