ខេត្តបន្ទាយមានជ័យ ៖ អគារខារ៉ាអូខេហ្គោលថនខេធីវី ត្រូវបានឆ្លងចន្តរអគ្គិសនីឆេះហុយពេញបន្ទប់នៅអំឡុងម៉ោង១១ ថ្ងៃទី១០ ខែមេសា ឆ្នាំ២០១៨ ស្ថិតភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ។
នៅដែលអគ្គិភ័យបានឆេះបន្ទប់ខារ៉ាអូខេហ្គោលថនខេធីវី ឃើញមានអែស្កាទ័រ១គ្រឿង បានកាយបំបែកទម្លុះជញ្ជាំងអស់ចំនួន២កន្លែង ហើយកម្លាំងកងរាជអាវុធ និងកម្លាំងនគបាលជាច្រើននាក់ និងរថយន្តពន្លត់អគ្គិភ័យចំនួន៤គ្រឿរបស់ស្នងដ្ឋាននគរបាលខេត្តបន្ទាយមានជ័យ បានបាញ់ពន្លត់ចាប់ពីម៉ោង១១រហូតម៉ោង១និង៣០នាទីរសៀល ថ្ងៃទី១០ ខែមេសា ឆ្នាំ២០១៨ នេះមិនទាន់ពន្លត់ និងបាត់ហុយនៅឡើយទេ ។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យ បានបញ្ជាក់ថា មូលហេតុដែលអគ្គិភ័យឆេះបន្ទប់ខារ៉ាអូខេហ្គោលថនខេធីវី ហុយពេញអគារ គឺមកពីឆ្លងចរន្តអគ្គិសនីផ្ទុះឆេះពីដានក្នុងអគារ ទើបបណ្ដាលឆួលចេញតាមទ្វារ ទើបឲ្យអ៊ែស្កាកាយទម្លុះជញ្ជាំង២កន្លែងបាញ់ទឹកពន្លត់តែនៅហុយ គឺបណ្ដាលមកពីឆេះពីដានតាមបន្ទប់ក្នុងអគារដែលមានចំនួន៨បន្ទប់ ។
លោកបានបញ្ជាក់ថា ក្រោយពេលដែលមានអគ្គិភ័យឆេះអគារបន្ទប់ខារ៉ាអូខេ ដោយមានការណែនាំពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានបញ្ជាកម្លាំងកងរាជអាវុធហត្ថខេត្ត រួមជាមួយកម្លាំងក្រុងជួយអន្តរាគមន៍សហការណ៍ជាមួយកម្លាំងនគរបាលជំនាញបាញ់ទឹកពន្លត់ ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានបញ្ជាក់ថា អគារខារ៉ាអូខេហ្គោលថនខេធីវី ត្រូវបានអគ្គិភ័យឆេះហុយផ្សែងពេញអគាររថយន្តពន្លត់អគ្គិភ័យចំនួន៤គ្រឿង ដែលប្រើប្រាស់ទឹកបាញ់ពន្លត់តែរហូតដល់ម៉ោង០១និង៣០នាទី ថ្ងៃទី១០ ខែមេសា ឆ្នាំ២០១៨ នេះមិនទាន់បាត់ហុយនៅឡើយទេ ។ ហើយកម្លាំងនគរបាលជំនាញសហការណ៍ជាមួយកម្លាំងកងរាជអាវុធហត្ថកំពុងធ្វើអន្តរាគមន៍បាញ់ពន្លត់នៅឡើយទេហើយ អគ្គិភ័យដែលឆេះហុយពេញបន្ទប់ខារ៉ាអូខេនេះគឺបណ្ដាលមកពីឆ្លងចរន្តអគ្គិសនីបណ្តាលឆេះពីដាន ៕
ចែករំលែកព័តមាននេះ