ខេត្តសៀមរាប ៖ រឿងរ៉ាវអាស្រូវស្នេហាមួយ ដែលស្មានមិនដល់បានកើតឡើង ខណៈបុរសម្នាក់បានចាក់សម្លាប់ប្រពន្ធចុងសុះសាច់ ពេលបែកការណ៍ ត្រូវប្រពន្ធដើមដឹងចំពេលស្ត្រីជាប្រពន្ធចុងលួចលាក់ព្យាយាមសុំបែក គឺសម្លាប់មួយទុកមួយ ហើយភ័យខ្លាចក៏រត់ឡើងពួនលើដើមឈើ ។…
ខេត្តសៀមរាប ៖ រឿងរ៉ាវអាស្រូវស្នេហាមួយ ដែលស្មានមិនដល់បានកើតឡើង ខណៈបុរសម្នាក់បានចាក់សម្លាប់ប្រពន្ធចុងសុះសាច់ ពេលបែកការណ៍ ត្រូវប្រពន្ធដើមដឹងចំពេលស្ត្រីជាប្រពន្ធចុងលួចលាក់ព្យាយាមសុំបែក គឺសម្លាប់មួយទុកមួយ ហើយភ័យខ្លាចក៏រត់ឡើងពួនលើដើមឈើ ។
ហេតុការណ៍នេះ បានកើតឡើងនៅវេលាម៉ោង៦ ព្រឹកថ្ងៃទី៩ មេសា បន្ទាប់ពីអ្នកភូមិបានប្រទះឃើញសពស្ត្រីម្នាក់ស្លាប់ក្នុងថ្លុកឈាម នៅតាមផ្លូវលំត្រពាំងអកបល់ ស្ថិតក្នុងភូមិផ្ការំចេក ឃុំតាយ៉ែក ស្រុកសូទ្រនិគម ជាផ្លូវទៅកន្លែងស៊ីទែនទឹកស្អាត ជំនួយអង្គការទស្សនៈពិភពលោក ។ ការភ្ញាក់ផ្អើលនោះត្រូវបានគេដឹងថា ជាអំពើឃាតកម្ម ដោយប្តីហេងស៊យចាក់សម្លាប់ ដោយកាំបិតចុងស្រួច ពេលជនរងគ្រោះកំពុងដើរតាមផ្លូវជាមួយម្តាយ ទៅតាមរកប្តីនៅផ្ទះប្រពន្ធដើម វេលាម៉ោង៨និង៣០នាទីយប់ថ្ងៃទី៨ មេសា ។
ជនរងគ្រោះឈ្មោះ ប៉ក់ ឈាន អាយុ៣៦ឆ្នាំ ទីលំនៅភូមិកំពង់ក្របី ឃុំព្រៃគុយ ស្រុកកំពង់ស្វាយ ខេត្តកំពង់ធំ មុខរបរកម្មករនិងមានផ្ទៃពោះ៤ខែផងដែរ ។ ប្តីហេងស៊យឈ្មោះស៊ន់ ទិត អាយុ៣៦ឆ្នាំ ជាកម្មករ។ ស្ត្រីជាម្តាយជនរងគ្រោះបានរៀបរាប់ប្រាប់សមត្ថកិច្ចថា កូនស្រីគាត់បានយកឈ្មោះ ស៊ន់ ទិត ធ្វើប្តីនេះរយៈពេល៨ខែមកហើយ រស់នៅដើរធ្វើកម្មករសំណង់ជាមួយគ្នារហូតមក។ លុះថ្ងៃទី៦ មេសា ២០១៨ ប្តីបានលួចមកផ្ទះប្រពន្ធដើមនៅភូមិផ្ការំចេក ទើបនៅល្ងាចថ្ងៃទី៨ មេសា កូនស្រីគាត់បានបបួលគាត់ទៅភូមិផ្ការំចេក ក្នុងគោលបំណងតាមរកប្តីដើម្បីសុំយកអត្តសញ្ញាណប័ណ្ណមកវិញ។ ស្ត្រីជាម្តាយបន្តថា ពេលទៅដល់ភូមិនោះទើបដឹងថា ប្តីកូនស្រីគាត់មានប្រពន្ធកូននៅឯស្រុកនោះ ប៉ុន្តែពួកគេមិនបានឈ្លោះគ្នាទេ ។ ពេលយប់នោះម្តាយនិងកូនបានដើរត្រឡប់មកផ្ទះវិញ ស្រាប់តែប្តីមានគំនិតអាក្រក់តាមចាក់សម្លាប់កូនស្រីគាត់ ស្លាប់នៅកណ្តាលផ្លូវ ព្រោះតែបែកការណ៍ដឹងដល់ប្រពន្ធដើមថាលួចមានប្រពន្ធចុង ។ ក្រោយពេលចាក់សម្លាប់កូនស្រីគាត់រួចហើយឈ្មោះ ស៊ន់ ទិត បានរត់គេចខ្លួន ។
ក្រោយផ្ទុះហិង្សាចាក់សម្លាប់ស្ត្រីជាប្រពន្ធចុងសមត្ថកិច្ចក៏បានតាមប្រមាញ់បុរសជាប្តីនោះ ភ្លាមៗ ។ ដោយសារតែដឹងថា សមត្ថកិច្ចតាមចាប់ ជននោះបានរត់ឡើងទៅពួនសម្ងំគេចខ្លួននៅលើដើមឈើបម្រុងចង.កសម្លាប់ខ្លួនតាមក្រោយ ប៉ុន្តែដោយសារតែការភ័យស្លន់ស្លោ ព្រោះមានសមត្ថកិច្ចទៅចោមរោមក្រោមដើមឈើច្រើននាក់ពេកក៏របូតដៃធ្លាក់មកដីរងរបួស បាក់ជើងរត់លែងរួច សមត្ថកិច្ចក៏ឃាត់ខ្លួនយកមកសួរនាំនៅអធិការដ្ឋានស្រុកសូទ្រនិគម ដើម្បីរៀបចំកសាងសំណុំរឿងបញ្ជូនមកកាន់ការិយាល័យជំនាញខេត្ត ។លោកវរសេនីយ៍ឯក ភឹង ចិន្តារ៉េត ស្នងការរងទទួលផ្នែកកណ្តាលយុត្តិធម៌នៃស្នងការដ្ឋាននគរបាលខេត្តបានប្រាប់ថា ការចាក់ប្រហារប្រពន្ធចុងនេះ បានកើតឡើងនៅម៉ោង២០និង៣០នាទីថ្ងៃទី៨ មេសា ។
លោកនិយាយថា ក្រោយពេលសម្លាប់រួចបានរត់គេចខ្លួនបាត់ភ្លាមៗ ។
លោកបានបញ្ជាក់បន្ថែមថា នៅម៉ោង៥និង៤០នាទីទៀបភ្លឺថ្ងៃទី៩ មេសា ២០១៨ កម្លាំងជំនាញយើងបានស្រាវជ្រាវ រហូតចាប់ខ្លួនបាន ខណៈពេលជននោះកំពុងឡើងលាក់ខ្លួនបំណងចង.កលើចុងឈើក្រោយផ្ទះ ខាងកើតភូមិផ្ការំចេក ឃុំតាយ៉ែក។ ពេលឃើញកម្លាំងប៉ូលិសទៅព្រោងព្រាតភ័យ ក៏ធ្លាក់ពីលើចុងឈើមកវិញសន្លប់ក៏បានបញ្ជូនទៅសង្គ្រោះនៅពេទ្យស្រុក ប៉ុន្តែដល់វេលារសៀលថ្ងៃដដែលបានដឹងខ្លួនហើយ ក៏នាំយកមកសួរនៅអធិការដ្ឋានស្រុក។ ជនសង្ស័យបានឆ្លើយសារភាព នៅចំពោះមុខសមត្ថកិច្ចថា រូបគេស្រឡាញ់គ្នាចិត្តនិងចិត្តជិត១ឆ្នាំហើយ រូបគេសម្លាប់ប្រពន្ធចុងនោះ គឺដោយសារខឹងខាងស្រីសុំបែក ។ ពេលដឹងថាខ្លួនមានប្រពន្ធដើមម្នាក់ទៀតនោះ ៕
ចែករំលែកព័តមាននេះ