រកឃើញម្ចាស់ពានរង្វាន់ Cambodian idol រដូវកាលទី៣ហើយ
- ភ្នំពេញ
រាជធានីភ្នំពេញ ៖ នៅវគ្គផ្តាច់ព្រ័ត្រ កម្មវិធីប្រឡងចម្រៀងលំដាប់ថ្នាក់ពិភពលោក Cambodian idol រដូវកាលទី៣ ពានរង្វាន់បានទៅលើបេក្ខជនគ្រី ថៃពៅ ។…
រាជធានីភ្នំពេញ ៖ នៅវគ្គផ្តាច់ព្រ័ត្រ កម្មវិធីប្រឡងចម្រៀងលំដាប់ថ្នាក់ពិភពលោក Cambodian idol រដូវកាលទី៣ ពានរង្វាន់បានទៅលើបេក្ខជនគ្រី ថៃពៅ ។…
រាជធានីភ្នំពេញ ៖ នៅវគ្គផ្តាច់ព្រ័ត្រ កម្មវិធីប្រឡងចម្រៀងលំដាប់ថ្នាក់ពិភពលោក Cambodian idol រដូវកាលទី៣ ពានរង្វាន់បានទៅលើបេក្ខជនគ្រី ថៃពៅ ។
កាលពីវគ្គឡាយសូសប្តាហ៍ទី៧គ្រី ថៃពៅបានសាងកំហុសដោយច្រៀងភ្លេចប៉ារ៉ូលនូវបទកន្ទ្រឹម ប៉ុន្តែលោកសមាធិច្រៀងទាល់តែចប់ ។ ជាភ័ព្វសំណាងព្រោះតែមានសំឡេងល្អត្រូវគេបោះឆ្នោតសង្គ្រោះបានជាប់ឡើងទៅវគ្គបន្តស្ទើរតែមិននឹកស្មានដល់ ។
នៅទីបំផុតការប្រឡងចម្រៀងលំដាប់ពិភពលោកកម្មវិធី Cambodia Idolរដូវកាលទី៣របស់ស្ថានីយទូរទស្សន៍ហង្សមាស ក្រោមការចូលរួមជាកិត្តិយសពីលោកជំទាវម៉ែន សំអនឧបនាយករដ្ឋមន្ត្រី និងលោកខៀវ កាញារីទ្ធរដ្ឋមន្ត្រីក្រសួងព័ត៌មាននោះ បានរកឃើញពន្លកសិល្បៈថ្មីក្រោមការបោះឆ្នោតពេញចិត្តពីមហាជន ដោយបានឈ្នះផុតគេក្លាយជាម្ចាស់ពានរង្វាន់ថ្មីបេក្ខជនគ្រី ថៃពៅ មកពីខេត្តកំពង់ចាម វ័យ២៥ឆ្នាំ ក្រោយពុះពារយ៉ាងលំបាកបំផុតទម្រាំដល់ជំហានរីករាយនេះ ។
រយៈពេលមុនឈានចូលដល់វគ្គផ្សាយបន្តផ្ទាល់មាន៩សប្តាហ៍ សរុបបេក្ខជនមាន១២នាក់ហើយត្រូវបានជម្រុះចេញម្តងម្នាក់រៀងរាល់សប្តាហ៍ជាបន្តបន្ទាប់ ។ រហូតដល់វគ្គផ្តាច់ព្រ័ត្រនេះសល់បេក្ខជនតែបួនរូបដែលមានភ័ព្វវាសនាឡើងប្រជែងយកពានរង្វាន់ ដោយ ម្នាក់ៗមានទឹកដមសំឡេងពីរោះ អាចបត់បែនគ្រប់សណ្ឋាន។ បេក្ខជន៤ដួងជាជើងខ្លាំងក្លាយជាតួឯករួមមានគ្រី ថៃពៅ, សៀក ញញឹម, ចែម ស្រីលក្ខ័ណ៍ និងឈាង សុវណ្ណាវី ។ ឆ្លងកាត់ការប្រឡងវគ្គចុងក្រោយនេះមុនប្រកាសពានរង្វាន់ ម្នាក់ៗប្រឹងបង្ហាញអស់អ្វីដែលខ្លួនមានសំដៅទាញប្រជាប្រិយភាព រៀងៗខ្លួនជាមួយស្ទីលច្រៀងគួរឱ្យចាប់អាម្មណ៍ ។
ជើងខ្លាំង៤នាក់នៅជុំទី១ច្រៀងចប់ត្រូវជម្រុះចេញ២នាក់ដោយក្នុងនោះបេក្ខនារីចែម ស្រីលក្ខ័ណ៍ និងបេក្ខនារីឈាង សុវណ្ណាវី ត្រូវធ្លាក់ដោយជាប់បន្តថៃពៅ និងសៀក ញញឹម។ ក្រោយមកប្រឡងបន្ត ភ្លាមៗដោយច្រៀង២បទរៀងខ្លួន លុះចប់ហើយបោះឆ្នោតរកម្ចាស់ពានរង្វាន់ ។
សំឡេងមហាជនស្រែកគាំទ្រគ្រី ថៃពៅលុបលើសៀក ញញឹម ។ ជាលទ្ឋផលថៃពៅ ជាអ្នកលើកពានរង្វាន់រដូវកាលថ្មី ធ្វើឲ្យលោកអរលោតពេញឆាក ។
គ្រី ថៃពៅ ទទួលបានប្រាក់រង្វាន់១០០លានរៀល និងក្លាយជាតារាចម្រៀងជាប់កិច្ចសន្យារបស់ផលិតកម្មហង្សមាស ៕
ចែករំលែកព័តមាននេះ