ការធ្លាក់ឈាមតាមទ្វារមាសក្នុងត្រីមាសដំបូងនៃការមានផ្ទៃពោះ គឺជារឿងមួយកើតឡើងញឹកញាប់ ហើយវាច្រើនតែធ្វើឲ្យស្ត្រីជាម្តាយបារម្ភច្រើន ។ ស្ត្រីអាចនឹងឆ្ងល់ថា តើគួរធ្លាក់ឈាមច្រើនប៉ុនណា ក្នុងពេលមានផ្ទៃពោះគឺជារឿងធម្មតា ។ ខណៈពេលដែលការធ្លាក់ឈាម ភ្លាមៗ…
ការធ្លាក់ឈាមតាមទ្វារមាសក្នុងត្រីមាសដំបូងនៃការមានផ្ទៃពោះ គឺជារឿងមួយកើតឡើងញឹកញាប់ ហើយវាច្រើនតែធ្វើឲ្យស្ត្រីជាម្តាយបារម្ភច្រើន ។ ស្ត្រីអាចនឹងឆ្ងល់ថា តើគួរធ្លាក់ឈាមច្រើនប៉ុនណា ក្នុងពេលមានផ្ទៃពោះគឺជារឿងធម្មតា ។ ខណៈពេលដែលការធ្លាក់ឈាម ភ្លាមៗ អាចបញ្ជាក់អំពីវត្តមាននៃបញ្ហាធ្ងន់ តែវាមិនមែនសុទ្ធតែអ៊ីចឹងឡើយ ។ តាមពិតទៅស្ត្រីប្រហែល២០ភាគរយ ដែលមានផ្ទៃពោះ គឺធ្លាប់មានការធ្លាក់ឈាម រឹមៗក្នុងត្រីមាសដំបូង ។ ស្ត្រីភាគច្រើនអាចនឹងមិនមានផលវិបាកអ្វីទាំងអស់ ហើយសម្រាលកូនមានសុខភាពល្អទៀត ។
អ្វីទៅជាការធ្លាក់ឈាមដោយសារការកាច់សម្បុករបស់កូន?
មូលហេតុញឹកញាប់មួយនៃការធ្លាក់ឈាមប្រហែលជាកើតឡើងមុនពេលស្ត្រីដឹងថាពួកគេមានផ្ទៃពោះ ។ ស្ត្រីភាគច្រើនធ្លាក់ឈាមនៅពេលកូនដែលបង្កកំណើតនោះកាច់សម្បុកនៅក្នុងស្បូន ។ នេះហៅថាការធ្លាក់ឈាមដោយសារការកាច់សម្បុក ។ រឿងនេះឧស្សាហ៍កើតឡើងណាស់ នៅពេលដែលជិតដល់ថ្ងៃមករដូវបន្ទាប់ ។ សញ្ញានៃការធ្លាក់ឈាមដោយសារការកាច់សម្បុក គឺជាការធ្លាក់ឈាម រឹមៗនៅជុំវិញថ្ងៃដែលត្រូវមករដូវបន្ទាប់ ។ ប៉ុន្តែវាមិនកើតឡើងលើស្ត្រីមានផ្ទៃពោះគ្រប់គ្នាឡើយ ។
អ្វីទៅជាមូលហេតុញឹកញាប់ ផ្សេងៗទៀតនៃការធ្លាក់ឈាមក្នុងត្រីមាសដំបូង?
ការប្រែប្រួលក្នុងមាត់ស្បូន៖ ការផលិតអ័៊រម៉ូនធម្មតាក្នុងពេលមានផ្ទៃពោះ អាចធ្វើឲ្យមានការប្រែប្រួលដល់មាត់ស្បូន ដែលជាហេតុនាំឲ្យវាងាយនឹងទន់ជាងមុន និងធ្លាក់ឈាមបាន ។ ជាមួយគ្នានេះដែរការដែលមានដុំប៉ូលីបនៅមាត់ស្បូន ក៏អាចធ្វើឲ្យធ្លាក់ឈាមបានដែរក្នុងពេលមានផ្ទៃពោះ ។ ក្នុងករណីទាំងពីរនេះការធ្លាក់ឈាម រឹមៗ អាចបង្កឡើងដោយការរួមភេទ ឬការពិនិត្យក្នុងអាងត្រគាក ។
ការបង្ករោគ៖ ការបង្ករោគនៅទ្វារមាសក៏ប្រហែលជាធ្វើឲ្យធ្លាក់ឈាមតាមទ្វារមាស ភ្លាមៗបានដែរ ។ ការធ្លាក់ឈាមនេះប្រហែលជាប់ទាក់ទងនឹងការហូរទឹករំអិលពីទ្វារមាសខុសធម្មតាដែរ ។
តើអ្វីទៅជាមូលហេតុធ្ងន់នៃការធ្លាក់ឈាមច្រើនៗក្នុងត្រីមាសដំបូងនៃការមានផ្ទៃពោះទៅ?
ការធ្លាក់ឈាមតាមទ្វារមាសក្នុងពេលមានផ្ទៃពោះ ដំបូងៗ ពេលខ្លះអាចបញ្ជាក់អំពីបញ្ហាធ្ងន់ណាមួយបាន ។ មូលហេតុធ្ងន់នៃការធ្លាក់ឈាមក្នុងពេលមានផ្ទៃពោះមានដូចជា៖
ការរលូតកូន៖
•មានអាការញឹកញាប់ដូចជា ធ្លាក់ឈាម ឈឺក្នុងពោះ និងឈឺខ្នង
•ការពិនិត្យអាចបង្ហាញថា មាត់ស្បូនកំពុងតែបើកស្រាប់
•ការរលូតកូនអាចកើតឡើងប្រហែល១៥ ទៅ២០ភាគរយនៃការមានផ្ទៃពោះ ដែលវាច្រើនតែកើតឡើងក្នុងរយៈពេលពរពោះបាន១២សប្តាហ៍ដំបូង
•បញ្ហាខូចហ្សែនអាចជាហេតុផលមួយបញ្ជាក់អំពីមូលហេតុញឹកញាប់នៃការរលូតកូនបាន
•មានករណីតិចតួចដែរ ដែលការរលូតកូនអាចបង្ការបាន
ជំងឺកូនពង៖
•ជំងឺកូនពងគឺជាភាពមិនធម្មតាមួយនៃការរលាយចូលគ្នានៃមេជីវិតទាំងពីរ ដែលនាំឲ្យលូតលាស់ចេញជាជាលិកាមិនធម្មតាក្នុងស្បូនទៅវិញ
•កូនពងមិនមែនជាកូនទេ តែវានឹងចេញជាសញ្ញារបស់ជំងឺនេះ លឿនក្នុងពេលមានផ្ទៃពោះតែម្តង
•កូនពងមិនអាចសម្រាលបានដូចកូនធម្មតាឡើយ
•ការធ្លាក់ឈាមតាមទ្វារមាសអាចជាសញ្ញាមួយនៃជំងឺកូនពងដែរ
•ការថតអេកូអាចកំណត់រោគវិនិច្ឆ័យជំងឺនេះដឹង
កូនក្រៅស្បូន៖
•ការធ្លាក់ឈាមតាមទ្វារមាស តិចៗ និងឈឺពោះកាន់តែខ្លាំងប្រហែលជាបញ្ជាក់អំពីវត្តមាននៃជំងឺកូនក្រៅស្បូនបាន
•កូនក្រៅស្បូនអាចកើតឡើងយ៉ាងហោចណាស់ ម្នាក់ក្នុងចំណោមស្ត្រីមានផ្ទៃពោះ៦០នាក់
•កូនក្រៅស្បូនភាគច្រើន គឺកូនជាប់នៅក្នុងបំពង់ដៃស្បូនតែម្តង ដែលជាហេតុនាំឲ្យធ្លាក់ឈាមធ្ងន់បានបើសិនជាមិនព្យាបាល
•ករណីខ្លះការចាក់បញ្ចូលឈាម និងការវះកាត់បន្ទាន់ គឺជារឿងចាំបាច់ដើម្បីព្យាបាលជំងឺកូនក្រៅស្បូននេះ
ការរលូតកូនបែបគម្រាមកំហែង៖
•បើសិនជាស្ត្រីម្នាក់កំពុងតែធ្លាក់ឈាមក្នុងត្រីមាសដំបូងនៃការមានផ្ទៃពោះ យកល្អគួរតែទាត់ចោលនូវការរលូតកូនមួយចេញ
•រោគសញ្ញានៃការរលូតកូនបែបគម្រាមកំហែង គឺជាការធ្លាក់ឈាម ហើយឈឺពោះបែបរមួលតិចតួច ប៉ុន្តែមាត់ស្បូននៅបិទ
ការធ្លាក់ឈាមចេញពីសុក៖
•ក្នុងករណីនេះគេអាចមើលឃើញកំណកឈាមក្នុងស្បូនតាមរយៈការថតអេកូ
•យ៉ាងណាមិញ រាងកាយនឹងអាចបឺតស្រូបយកកំណកឈាមនោះទៅក្នុងខ្លួនវិញ តែពេលម្តងម្កាល ក៏អាចធ្លាក់ជាកំណកឈាម ខ្មៅៗ ឬតូចៗតាមទ្វារមាសដែរ ។
ពេលដែលត្រូវទៅជួបពេទ្យ
គ្រប់ពេលទាំងអស់ដែលអ្នកសម្គាល់ឃើញមានការធ្លាក់ឈាមក្នុងគ្រប់ដំណាក់កាលទាំងអស់នៃការមានផ្ទៃពោះ វាគឺជាពេលវេលាស័ក្តិសមហើយក្នុងការទាក់ទង និងជួបគ្រូពេទ្យ។ វាគឺជារឿងសំខាន់ណាស់ ដែលត្រូវទៅជួបពេទ្យ ភ្លាមៗបើសិនជាការធ្លាក់ឈាមនេះ មានលក្ខណៈខ្លាំងក្លា ឬជាប់ទាក់ទងនឹងការឈឺចាប់ ឬឈឺចាប់បែប រមួលៗក្នុងពោះ ៕
ស្រង់ពីគេហទំព័រសុខភាព
ចែករំលែកព័តមាននេះ