អ៊ីរ៉ង់ប្រកាសថា អាចចម្រាញ់អ៊ុយរ៉ានីញ៉ូមឡើងវិញ
ប្រទេសអ៊ីរ៉ង់ ៖ នាយកអង្គការថាមពលបរមាណូអ៊ីរ៉ង់ OEAI លោក ALI AKBAR SALEHI ថ្លែងកាលពីថ្ងៃទី៨ មេសា…
ប្រទេសអ៊ីរ៉ង់ ៖ នាយកអង្គការថាមពលបរមាណូអ៊ីរ៉ង់ OEAI លោក ALI AKBAR SALEHI ថ្លែងកាលពីថ្ងៃទី៨ មេសា…
ប្រទេសអ៊ីរ៉ង់ ៖ នាយកអង្គការថាមពលបរមាណូអ៊ីរ៉ង់ OEAI លោក ALI AKBAR SALEHI ថ្លែងកាលពីថ្ងៃទី៨ មេសា ថា សមត្ថភាពនៃអង្គការរបស់លោកអាចធ្វើការចម្រាញ់អ៊ុយរ៉ានីញ៉ូមកម្រិត២០%ឡើងវិញ ក្នុងពេលដ៏ឆាប់ដែលនេះជាសារមួយសម្រាប់សហរដ្ឋអាមេរិក ។
នាយករូបនេះអះអាងប្រាប់ផ្នែកសារព័ត៌មានរបស់សភាថា ប្រសិនបើពួកលោកខាងលិចដកខ្លួនពីកិច្ចព្រមព្រៀងស្តីពីនុយក្លេអ៊ែរ នោះយើងនឹងអាចដំណើរការឡើងវិញផលិតកម្មអ៊ុយរ៉ានីញ៉ូមចម្រាញ់កម្រិត២០% ក្នុងរយៈពេលត្រឹមតែ៤ថ្ងៃប៉ុណ្ណោះ ។ នេះជាសារមួយចំពោះសហរដ្ឋអាមេរិក ។
អ៊ីរ៉ង់បានសិក្សាយ៉ាងយូរពីការឆ្លើយតបវិញចំពោះការដកខ្លួនថយជាយថាហេតុរបស់សហរដ្ឋអាមេរិកពីកិច្ចព្រមព្រៀងឆ្នាំ២០១៥ ស្តីពីនុយក្លេអ៊ែរអ៊ីរ៉ង់ ។ លោក SALEHI ថ្លែងទៀតថា យើងសង្ឃឹមថា អាមេរិកនឹងពុំបោះបង់ចោលកិច្ចព្រមព្រៀងនេះឡើយ ព្រោះវានឹងជាការប្រឈមខាងវិទ្យាសាស្ត្រដ៏ពិតប្រាកដមួយសម្រាប់មហាអំណាចនេះ ។
កាលពីថ្ងៃទី៥ មេសា លោកបានព្រមានសហរដ្ឋអាមេរិកប្រឆាំងការប៉ុនប៉ងចាត់វិធានការទាំងឡាយប្រឆាំងនឹងកិច្ចព្រមព្រៀងស្តីពីនុយក្លេអ៊ែរអ៊ីរ៉ង់ ។
លោកត្រាំ បានស្នើជាច្រើនលើកឱ្យលុបចោលបណ្តាខទាក់ទិនដល់ការរឹតត្បិតដែលសហរដ្ឋអាមេរិកដាក់ចំពោះអ៊ីរ៉ង់ក្នុងក្របខណ្ឌនៃកិច្ចព្រមព្រៀងនេះ ។ លោកក៏ទាមទារផងដែរឱ្យមានបែបបទនៃការត្រួតពិនិត្យម៉ឺងម៉ាត់បំផុត និងឱ្យមានការកម្រិតកម្មវិធីមីស៊ីលបាលីស្ទិករយៈឆ្ងាយរបស់អ៊ីរ៉ង់ ។
អ៊ីរ៉ង់អះអាងថា ខ្លួននឹងពុំឱ្យនរណាម្នាក់ធ្វើការរឹតត្បិតឯទៀតៗក្រៅពីការកម្រិតដូចមាន
ចែងក្នុងកិច្ចព្រមព្រៀងស្តីពីនុយក្លេអ៊ែរឡើយ រួចខ្លួនក៏នឹងពុំទទួលយកការកែប្រែណាមួយនៃកិច្ចព្រមព្រៀងនេះដែរ ៕
ចែករំលែកព័តមាននេះ