ខេត្តរតនគិរី ៖ បុរសជាឪពុកចុងបានចាប់រំលោភកូនដើមជាអនីតិជនបានសម្រេចជាច្រើនលើកមកហើយ តែនៅនាទីចុងក្រោយត្រូវប្រពន្ធតាមទាន់កំពុងរំលោភក្បែរគុម្ពចេក ធ្វើឱ្យជនគម្រក់នោះភ័យស្លន់ស្លោក៏រត់គេចខ្លួនបាត់ស្រមោល ។
ម្តាយក្មេងស្រីរងគ្រោះបានប្តឹងសមត្ថកិច្ចនៅវេលាម៉ោង៨និង២០នាទីព្រឹកថ្ងៃទី៦ ខែមេសា ថា កូនស្រីរបស់គាត់ត្រូវបានឪពុកចុងតិរច្ឆានដែលត្រូវជាប្តីរបស់ខ្លួនចាប់រំលោភសេពសន្ថវៈបានសម្រេចជាច្រើនលើកមកហើយ ពេលនេះជនគម្រក់នោះបានគេចខ្លួនបាត់ទៅហើយ។ ហេតុការណ៍នះបានកើតឡើងនៅវេលាម៉ោង៦និង១៥នាទីល្ងាចថ្ងៃទី៥ ខែមេសា ស្ថិតក្នុងចំការម្រេចក្បែរគុម្ពចេកនៅក្នុងឃុំលុងឃុង ស្រុកបរកែវ ។
ក្មេងស្រីរងគ្រោះទើបតែមានអាយុ១១ឆ្នាំ ចំណែកជនអគតិឈ្មោះ នួន សាំង ភេទប្រុស អាយុ៤៦ឆ្នាំ ត្រូវជាឪពុកចុងមានស្រុកកំណើតនៅភូមិផ្សារដំបង់ ឃុំដើមដូង ស្រុកទូកមាស ខេត្តកំពតបានមកស្នាក់នៅធ្វើចំការនិងបានគ្នាជាប្តីប្រពន្ធជាមួយនឹងម្តាយក្មេងស្រីរងគ្រោះក្នុងឃុំកើតហេតុខាងលើ ។ បន្ទាប់ពីទទួលបណ្តឹងកម្លាំងជំនាញបានចុះទៅពិនិត្យនៅកន្លែងកើតហេតុ និងនាំក្មេងស្រីរងគ្រោះទៅពិនិត្យនៅមន្ទីរពេទ្យបង្អែកខេត្ត ៕
ចែករំលែកព័តមាននេះ