យោងទៅតាមសេចក្តីរាយការណ៍មួយពីសារព័ត៌មាន Mail Online បានឲ្យដឹងថា អ្នកបាក់ទឹកចិត្តដែលឈប់ហាត់ប្រាណឃើញថា រោគសញ្ញារបស់ពួកគេកាន់តែធ្ងន់ក្នុងរយៈពេលតែបីថ្ងៃប៉ុណ្ណោះ ។ ការស្រាវជ្រាវដែលបានពិនិត្យឡើងវិញទៅលើការសិក្សាទាំងអស់ ដែលបានមើលលើរោគសញ្ញាបាក់ទឹកចិត្តនោះ ឃើញថា មានការកើនឡើងនៅពេលអ្នកដែលហាត់ប្រាណទៀងទាត់មួយរយៈពេលហើយស្រាប់តែឈប់ភ្លាម ។
ពួកគេបានរកឃើញថា ការសិក្សាតូចចំនួន ៦ ដែលមានមនុស្សចូលរួមសិក្សាសរុប១៥២នាក់ ដែលបានហាត់ប្រាណយ៉ាងហោចណាស់ ៩០នាទីក្នុងមួយសប្តាហ៍រយៈពេល៣ខែ ឬច្រើនជាងនេះ បន្ទាប់មកក៏ឈប់មួយរយៈពី៣ថ្ងៃទៅ២សប្តាហ៍ ។ លទ្ធផលនៃការសិក្សាខ្លះបានបញ្ជាក់ថា អ្នកដែលចូលរួមនោះធ្លាប់មានអាការបាក់ទឹកចិត្តនៅក្នុងដំណាក់កាលខ្លះក្រោយពីឈប់ហាត់ប្រាណ ។
សរុបមកអំណះអំណាងគឺទាក់ទងនឹងគុណភាពនៃសំណួរនោះគឺថា ដោយសារតែការសិក្សាមានទំហំតូច និងកង្វះការប្រៀបធៀប ដូច្នេះយើងមិនអាចយកជាការបានដើម្បីប្រើប្រាស់ជាទូទៅឡើយ ។ ខណៈពេលដែលមិនមានអ្វីជាសេចក្តីសន្និដ្ឋាន តែឥទ្ធិពលនៃការហាត់ប្រាណទៅលើសុខភាពទូទៅ ក៏ត្រូវបានគេបង្ហាញល្អដែរ ។ សកម្មភាពរាងកាយត្រូវបានណែនាំឲ្យធ្វើដើម្បីថែរក្សាសុខភាពទូទៅ ជាពិសេសអ្នកបាក់ទឹកចិត្តតែម្តង ។ វាប្រហែលជាមានប្រយោជន៍ក្នុងការតាមដាន ថាតើការរំខានទម្លាប់ហាត់ប្រាណធ្វើឲ្យចេញរោគសញ្ញាបាក់ទឹកចិត្ត ឬអត់ ៕
ស្រង់ពីគេហទំព័រសុខភាព
ចែករំលែកព័តមាននេះ