រាជធានីភ្នំពេញ ៖ តារាសម្តែងដែលចូលចិត្តសម្ញែងភាពសិចសុី នាងរតនៈ ពីសី បានប្រកាសបញ្ចប់ជម្លោះជាមួយតារាពូកែរិះគន់លោកម៉ៃ សុគន្ធ ជុំវិញការវាយប្រហារទៅលើរូបភាពសិចស៊ីរបស់នាង ។ ក្រោយពីជម្លោះវាយប្រហារពេញហ្វេសប៊ុក…
រាជធានីភ្នំពេញ ៖ តារាសម្តែងដែលចូលចិត្តសម្ញែងភាពសិចសុី នាងរតនៈ ពីសី បានប្រកាសបញ្ចប់ជម្លោះជាមួយតារាពូកែរិះគន់លោកម៉ៃ សុគន្ធ ជុំវិញការវាយប្រហារទៅលើរូបភាពសិចស៊ីរបស់នាង ។
ក្រោយពីជម្លោះវាយប្រហារពេញហ្វេសប៊ុក រួចមក រតនៈ ពិសី បានបន្ទន់ខ្លួន និងប្រកាសបញ្ចប់ជម្លោះជាមួយលោកម៉ៃ សុគន្ធ ក្នុងនោះនាងបានប្រកាសទទួលយកកំហុស និងសន្យាកែប្រែឡើងវិញ ។ តាមរយៈសារដែលរតនៈ ពិសីបានបង្ហោះបញ្ជាក់ថា «គិតគិតទៅបើឈ្លោះតបតទៀតក៏គ្មានប្រយោជន៍អ្វីដែរ…ណ្ហើយ ចាត់ទុកគាត់ជារៀមច្បង ប្រដៅប្អូនទៅចុះ…ឬចាត់ទុកជាបទពិសោធន៍ ដូចនេះខ្ញុំក៏ទទួលយក និងកែតម្រូវដើម្បីសិល្បៈ ដែលខ្ញុំស្រលាញ់បំផុតវិញ ប្រសើរជាង… ។
អរគុណបងប្អូននៅក្នុងFacebook ដែលព្យាយាម«ខមមិន» ល្អៗ ដាស់តឿនប្អូន ហើយក៏សូមអរគុណពុកម៉ែបងប្អូន ខ្លាំងណាស់ដែលស្រលាញ់ និងគាំទ្រសិល្បៈខ្មែរ និងអ្វីដែលជាប្រពៃណីខ្មែរ»។
ជាការកត់សម្គាល់ជម្លោះរវាងតារាទាំងពីរបានកើតឡើង បន្ទាប់ពីរតនៈ ពិសី បានបង្ហោះវីដេអូដ៏សិចស៊ីមួយផ្អើលពេញសង្គមហ្វេសប៊ុក ។ វីដេអូនោះត្រូវលោក ម៉ៃ សុគន្ធ រិះគន់យ៉ាងចាស់ដៃ និងបានស្នើឲ្យស្ថាប័នពាក់ព័ន្ធគួរមានវិធានការ ដោយសារលោកយល់ថាប៉ះពាល់តម្លៃវប្បធម៌ខ្មែរ ។ លោកម៉ៃ សុគន្ធ បានបង្ហោះសារដោយភ្ជាប់វីដេអូ រនតៈ ពិសី ផងដែរថា «នេះហើយស្លុយបំពុលសិល្បៈ គ្រវីទៅយើង រាំក្បាច់គ្រវី ម៉ឹមម៉ឹម ចាំអ៊ុតមើលថា ខាងក្រសួងវប្បធម៌ មានហៅនាងម្ចាស់ម្នាក់នេះទៅដុសក្អែលអត់ពេលនេះ ដូចកាលដេនី ក្វាន់ ហាមអីហាមមិនស្មើភាពទេ »។
ក្រោយពីការបង្ហោះសាររបស់លោកម៉ៃ សុគន្ធ មិនបានប៉ុន្មានផងរតនៈ ពិសី ក៏បានបង្ហោះសារឆ្លើយតបវិញថា «សូមកុំយកខ្ញុំទៅប្រៀបផ្ទឹមនឹងអ្នកណាអី…បុគ្គលផ្សេងគ្នា…ការប្រព្រឹត្តក៏ខុសគ្នាដែរ…ខ្ញុំបានធ្វើអ្វីខ្លះ គេបានធ្វើអ្វីខ្លះ មិនអាចមកប្រដូចជាមួយគ្នាបានទេ។ រឿងអាប៉ិឯងជាមួយខ្ញុំ ទើសខ្ញុំមានគំនុំគុំកួនជាមួយខ្ញុំ ខ្លួនឯងសូមកុំអូសអ្នកដទៃមកឲ្យគេស្អប់គ្នា… បើអ្នកខ្លាំង ប៉ិនខាងទើសខ្ញុំខ្លាំងណាស់ មិនបាច់ផុសឲ្យFan មិនដឹងខ្យល់អី fan តែស្ករ ពូកែជេរ ហ្វូងរបស់អ្នកឯង មកជេរម៉ែ ខ្ញុំនាំហត់ហ្នឹង ធ្លាក់នរកទេ…អ្នកឯងដាក់ពាក្យស្នើទៅក្រសួងឲ្យបិទខ្ញុំហ្មងទៅ…អូខេទេ ? បើស្អប់ និងងគុំនឹងខ្ញុំ ខ្លាំងណាស់ធ្វើទៅ ខ្ញុំនឹងផុសដោយសេរី មិនបាច់ខ្វល់ពីសិល្បៈទៀត…នៅធ្វើអី បើមានអ្នកសិល្បៈដង្កូវក្នុងសាច់ ចាំតែទើស និងជាន់ពន្លិចគ្នាអីចឹង ។
ជាចុងក្រោយនាងខ្ញុំរតនៈ ពិសីក៏សូមអភ័យទោស រាល់វីដេអូដែលមិនសមរម្យកន្លងមក សូមអធ្យាស្រ័យពីអ្នកគាំទ្រនាងខ្ញុំកន្លងមកផងដែរ» ៕
ចែករំលែកព័តមាននេះ