ខេត្តឧត្តរមានជ័យ ៖ ប្រជាពលរដ្ឋធ្វើស្រែចម្ការបានប្រទះឃើញគ្រាប់មីននឹងគ្រាប់កាំភ្លើងធុនធំ មិនទាន់ផ្ទុះដែលសេសសល់ កាលពីសម័យសង្គ្រាម ហើយរាយការណ៍ដល់ប៉ូលិសចុះធ្វើការត្រួតពិនិត្យកាលពីវេលាម៉ោង៨និង៣០នាទីព្រឹកថ្ងៃទី០១ ខែមេសា ឆ្នាំ២០១៨ កន្លងទៅ ស្ថិតនៅក្នុងភូមិពោធិវង្ស សង្កាត់កូនគ្រៀល ក្រុងសំរោង ខេត្តឧត្តរមានជ័យ ។
ប្រជាពលរដ្ឋដែលជាម្ចាស់ដីចម្ការស្រែបានឱ្យដឹងថា ចម្ការស្រែរបស់គាត់បានបង្កបង្កើតផលជារៀងរាល់ឆ្នាំ ដោយមិនទាន់បានប្រទះឃើញទេ លុះនៅព្រឹកថ្ងៃទី០១ ខែមេសា ឆ្នាំ២០១៨ រូបខ្លួនកុំពុងតែភ្ជួរដីស្រាប់តែផុសចេញគ្រាប់មីនប្រភេទ៦៩ ចំនួន១២គ្រាប់ គ្រាប់ធុន៦០មីលីម៉ែត្រេះ ចំនួន២គ្រាប់ និងគ្រាប់ធុនដេការ៧៥ ចំនួន៣គ្រាប់ ក្រោយពីបានប្រទះឃើញខ្លួនបានទៅរាយការណ៍ដល់ប៉ូលិសឱ្យចុះមកធ្វើការពិនិត្យមើលផងដែរ ។
លោកអនុសេនីយ៍ឯក ម៉ែន សំ នាយប៉ុស្គិ៍រដ្ឋបាលបន្សាយរាក់បានឱ្យដឹងថា បន្ទាប់ពីបានទទួលនូវព័ត៌មានរាយការណ៍រពីប្រជាពលរដ្ឋនោះ លោកបានដឹកនាំកម្លាំងប៉ូលិស ហើយបានសហការជាមួយមន្ត្រីហេឡូត្រាសចុះទៅពិនិត្យនៅនឹងកន្លែងកើតហេតុ ឃើញថា គ្រាប់មិនទាន់ផ្ទុះនេះ គឺបានសេសសល់កាលពីសង្គ្រាម តែសំណាងល្អ ហើយដែលប្រជាពលរដ្ឋភ្ជួរដីប៉ះមិនផ្ទុះ ខណៈនោះខាងក្រុមហេឡូត្រាសបានធ្វើការកម្ទេចចោលនៅនឹងកន្លែងកើតហេតុក្នុងថ្ងៃដដែលជៀសវាងប៉ះពាល់ដល់អាយុជីវិតមនុស្សនឹងសត្វ ៕
ចែករំលែកព័តមាននេះ