ខេត្តឧត្តរមានជ័យ ៖ បុរសម្នាក់ជាមនុស្សសតិមិនគ្រប់ បានយកកន្សែងចង.កសម្លាប់ខ្លួន កាលពីវេលាម៉ោង៧ព្រឹក ថ្ងៃទី៣០ ខែមិនា ឆ្នាំ២០១៨ ដែលបង្កឲ្យមានការភ្ញាក់ផ្អើល ស្ថិតនៅក្នុងភូមិថ្នល់បំបែក ឃុំអន្លង់វែង ស្រុកអន្លង់វែង ខេត្តឧត្តរមានជ័យ ។
ជនរងគ្រោះឈ្មោះ នឿម ឡន ភេទប្រុស អាយុ៤០ឆ្នាំ រស់នៅក្នុងភូមិឃុំកើតហេតុខាងលើ ។ សាច់ញាតិជនរងគ្រោះបានឱ្យដឹងថា ជនរងគ្រោះរូបនេះ មានសតិមិនគ្រប់ទេ ដោយសារតែបុរសរូបនេះ មានជំងឺតាំងពីនៅតូចៗមកម្ល៉េះ ។
មុនពេលកើតហេតុជនរងគ្រោះបានផឹកស្រាស្រវឹង ស្ទើរាល់ថ្ងៃ ខណៈក្នុងថ្ងៃដែលកើតហេតុនៅវេលាម៉ោងប្រមាណ៧ព្រឹក ថ្ងៃទី៣០ ខែមិនា ឆ្នាំ២០១៨ មានអ្នកភូមិចេញទៅព្រៃខាងក្រោយភូមិ ស្រាប់តែបានប្រទះឃើញជនរងគ្រោះយកក្រមាចង.កជាប់នឹងដើមឈើ ពន្លាដែលមានចម្ងាយពីភូមិ ២០០ម៉ែត្រ ក្រោយមកក្រុមគ្រួសារបានរាយការណ៍ដល់ប៉ូលិសចុះធ្វើការពិនិត្យ ។
ប៉ូលិសស្រុកអន្លង់វែងបានឱ្យដឹងថា បន្ទាប់ពីបានទទួលនូវព័ត៌មានរាយការណ៍រួចមក សមត្ថកិច្ចដឹកនាំកម្លាំងជំនាញចុះទៅដល់នឹងកន្លែងកើតហេតុពិនិត្យ និងធ្វើកោសល្យវិច្ច័យឃើញថា ជនរងគ្រោះពិតជាបានធ្វើអត្តឃាតខ្លួនឯង ដោយពិតប្រាកដមែន ។
ក្រោយពីបានធ្វើការពិនិត្យរួច ប៉ូលិសបានប្រគល់សពជនរងគ្រោះទៅឱ្យសាច់ញាតិធ្វើបុណ្យទៅតាមប្រពៃណី ៕
ចែករំលែកព័តមាននេះ