ខេត្តកំពង់ឆ្នាំង ៖ បុគ្គលិកនិងមន្ត្រីស៊ីម៉ាក់ នឹងមានប្រាក់សោធននិវត្តន៍ដូចមន្ត្រីរាជការ បន្ទាប់ត្រូវបញ្ចូលក្នុងក្រមខណ្ឌកងយោធពលខេមរភូមិន្ទ ខេត្តកំពង់ឆ្នាំង «ក្នុងពេលដ៏ខ្លីខាងមុខនេះ មន្ត្រីនៃអង្គភាពស៊ីម៉ាក់ នឹងក្លាយខ្លួនជាកងយោធពលខេមរភូមិន្ទទាំងអស់ តែស្ថិតក្នុងក្រមខណ្ឌភ្ជួរការងារ…
ខេត្តកំពង់ឆ្នាំង ៖ បុគ្គលិកនិងមន្ត្រីស៊ីម៉ាក់ នឹងមានប្រាក់សោធននិវត្តន៍ដូចមន្ត្រីរាជការ បន្ទាប់ត្រូវបញ្ចូលក្នុងក្រមខណ្ឌកងយោធពលខេមរភូមិន្ទ ខេត្តកំពង់ឆ្នាំង «ក្នុងពេលដ៏ខ្លីខាងមុខនេះ មន្ត្រីនៃអង្គភាពស៊ីម៉ាក់ នឹងក្លាយខ្លួនជាកងយោធពលខេមរភូមិន្ទទាំងអស់ តែស្ថិតក្នុងក្រមខណ្ឌភ្ជួរការងារ ដោយត្រូវបំរើក្នុងអង្គភាពស៊ីម៉ាក មានឯកសណ្ឋាន និងភារកិច្ចដដែល» ។
លោកហេង រតនា ប្រតិភូរាជរដ្ឋាភិបាលទទួលបន្ទុក អគ្គនាយកស៊ីម៉ាក់ បានមានប្រសាសន៍ បែបនេះ នៅក្នុងពិធីបិទវគ្គបណ្តុះបណ្តាលមូលដ្ឋានគ្រឹះ បច្ចេកទេសបោសសំអាតមីន ជំនាន់ទី១៣៣ ដល់សិក្ខាកាម កូនអ្នកដោះមីន និងអតីតបុគ្គលិក CBO នៅវិទ្យាស្ថាន បច្ចេកទេសសកម្មភាពមីនស៊ីម៉ាក់ ខេត្តកំពង់ឆ្នាំង ព្រឹកថ្ងៃទី៣១ មីនា នេះ ។
លោកបន្តថា ប្រមុខរាជរដ្ឋាភិបាល ដោយចង់អោយបុគ្គលិក និងមន្ត្រីស៊ីម៉ាក់ ដែលជាស្ថាប័នជាតិ បង្កើតឡើង ដោយព្រះរាជក្រិត មានប្រាក់សោធននិវត្តន៍ប្រាក់ពលី និងប្រាក់បាត់បង់កាយសប្បទា ដូចមន្ត្រីរាជការ និងកងកម្លាំងប្រដាប់អាវុធ ដែរនោះ ទើបដាក់ចេញជាគោលការ អោយមន្ត្រី និងបុគ្គលិក ស៊ីម៉ាក់ ទាំងអស់ ក្លាយខ្លួនជាកងយោធពល ខេមរៈភូមិន្ទ ប៉ុន្តែក្នុងលក្ខណ ព្យួរក្របខណ្ឌ័ជាកងទ័ព ហើយត្រូវបំពេញតួនាទី និងភារកិច្ច ជាមន្ត្រីនិងបុគ្គលិក ក្នុងឯកសណ្ឋាន ស៊ីម៉ាកដដែល ។
ជាមួយគ្នានេះដែរ បុគ្គលិក និងមន្ត្រីស៊ីម៉ាក់ ត្រូវបានទទួលរបប ពិនិត្យនិងព្យាបាលអោយឥតគិតថ្លៃ ពិសេសទៀតនោះ ប្រាក់ពលីនឹងទទួលបាន១២.០០០ដុល្លារ ដោយក្នុងនោះ ៥០០០ដុល្លារ ជាប្រាក់អង្គភាព និងប្រាក់ក្រៅពីនោះ ជាប្រាក់បានពីមិត្តរួមអាជីពម្នាក់៣ដុល្លារ ។
ចែករំលែកព័តមាននេះ