ខេត្តបាត់ដំបង ៖ ការអញ្ជើញចុះសួរសុខទុក្ខរបស់ប្រតិភូអភិបាលនៃគណៈអភិបាលខេត្តបាត់ដំបង ដល់នាយទាហាន នាយទាហានរង ពលទាហាន នៅទីបញ្ជាការកងពលតូចថ្មើរជើងលេខ៥៣ ស្ថិតនៅភូមិកំប្រង់ ឃុំតាគ្រៃ ស្រុកកំរៀង…
ខេត្តបាត់ដំបង ៖ ការអញ្ជើញចុះសួរសុខទុក្ខរបស់ប្រតិភូអភិបាលនៃគណៈអភិបាលខេត្តបាត់ដំបង ដល់នាយទាហាន នាយទាហានរង ពលទាហាន នៅទីបញ្ជាការកងពលតូចថ្មើរជើងលេខ៥៣ ស្ថិតនៅភូមិកំប្រង់ ឃុំតាគ្រៃ ស្រុកកំរៀង ខេត្តបាត់ដំបង កាលពីថ្ងៃទី៣០ មីនា ដឹកនាំដោយលោក ងួន រតនៈ គណអភិបាលខេត្តបាត់ដំបង, លោកប៊ុត គឹមស៊ាន ប្រធានក្រុមប្រឹក្សាខេត្ត, លោកខាន់ ម៉ាណេរ ទីប្រឹក្សាសម្តេចក្រឡាហោម ស ខេង និងជាប្រធានមន្ទីរសាធារណការដឹកជញ្ជូនខេត្តបាត់ដំបង ព្រមទាំងសប្បុរសជនក្នុងខេត្តមានកងរាជអាវុធហត្ថ នគរបាលខេត្ត អង្គភាពអគ្គីសនី ជលផល និងមេព្រៃ បាននាំយកអំណោយទៅចែកជូនដល់ទាហានចំនួន៥០០នាក់ នៅក្នុងកងពលថ្មើរជើងលេខ៥៣ ដែលកំពុងឈរជើងនៅទីនោះ។
លោកឧត្តមសេនីយ៍ទោ ជា ភួងភិរម្យ មេបញ្ជាការកងពល បានមានមតិស្វាគមន៍ និងលើឡើងពីសកម្មភាពកងទ័ព ដែលបានឈរជើងនៅទីនេះ គឺបានពង្រឹងផ្នែកហ្វឹកហ្វឺន បង្កបង្កើនផល ចិញ្ចឹមសត្វសម្រាប់ជួយទ្រទ្រង់ជីវភាពកងទ័ព ។ បន្ទាប់ពីបានរក្សាសុខសន្តិភាពតាមព្រំដែន និងរួមគ្នាការពារសណ្តាប់ធ្នាប់ក្នុងសង្គមរួចមក យើងនៅតែរក្សាការពាររាល់បញ្ហាណា ដែលកើតមានភាពវឹកវរច្របូកច្របល់ដល់សង្គមជាតិ និងរំខានដល់ប្រជាពលរដ្ឋមានការភ័យខ្លាច មិនឱ្យកើតមាននៅតំបន់នេះឡើយ សំខាន់ប្រឆាំងដាច់ខាតរាល់អំពើក្បត់ជាតិរបស់បក្សប្រឆាំងមួយចំនួនដែលបានកកូរកកាយក្នុងប្រទេសកម្ពុជាឲ្យមានភាពវឹកវរកន្លងមក ។
ចែករំលែកព័តមាននេះ