រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានករណីគ្រោះថ្នាក់ចរាចរណ៍២ករណីផ្សេងគ្នា ប៉ុន្តែបានកើតឡើងត្រង់ចំណុចតែមួយ ។ ករណីទី១-គឺកើតឡើងកាលពីវេលាម៉ោង០១ និង៣០នាទីរសៀលថ្ងៃទី៣០ មីនា ដោយបុរសជាអ្នកបើកតាក់ស៊ីម្នាក់…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានករណីគ្រោះថ្នាក់ចរាចរណ៍២ករណីផ្សេងគ្នា ប៉ុន្តែបានកើតឡើងត្រង់ចំណុចតែមួយ ។ ករណីទី១-គឺកើតឡើងកាលពីវេលាម៉ោង០១ និង៣០នាទីរសៀលថ្ងៃទី៣០ មីនា ដោយបុរសជាអ្នកបើកតាក់ស៊ីម្នាក់ ត្រូវរថយន្តម៉ាកហាយឡែនឌ័រមួយគ្រឿងបុកយ៉ាងទំហឹងបណ្តាលឱ្យស្លាប់ភ្លាមៗនៅនឹងកន្លែង ខណៈគាត់កំពុងឈប់ហៅម៉ូយនៅលើផ្លូវ ស្ថិតនៅទល់មុខបុរីអ័រគីដេរ ក្នុងភូមិខ្ទរ សង្កាត់ព្រែលៀប ខណ្ឌជ្រោយចង្វា ។
ជនរងគ្រោះដែលស្លាប់មានឈ្មោះសួន សារុន អាយុ៤៧ឆ្នាំ មានទីលំនៅភូមិព្រៃដំបង ស្រុកមុខកំពូល ខេត្តកណ្តាល ។ ចំណែកអ្នកបើកបរបង្ក មិនស្គាល់អត្តសញ្ញាណទេបានគេចខ្លួនបាត់ភ្លាម បន្សល់ទុករថយន្តម៉ាកហាយឡែនឌ័រ មានពាក់ស្លាកលេខភ្នំពេញ 2AP-9457 ដែលធ្វើដំណើរចេញពីរាជធានីភ្នំពេញ ។
ករណីទី២-បានកើតឡើងនៅវេលាម៉ោង០២ និង៤៥នាទីរសៀលថ្ងៃដដែល ស្ថិតត្រង់ចំណុចកើតហេតុខាងលើដដែល គឺរថយន្តស្ទូចរបស់ក្រុមហ៊ុនរាជសីហ៍ឡូជីស្ទីកបានបើកក្នុងល្បឿនយ៉ាងលឿន ។ លុះដល់ចំណុចកើតហេតុនោះ បានជ្រុលទៅបុកជាមួយរថយន្តដឹកអ្នកដំណើរមួយគ្រឿង បណ្តាលឱ្យរងការខូចខាតរថយន្តទាំង២យ៉ាងដំណំ និងធ្វើឱ្យប្រជាពលរដ្ឋដែលកំពុងឈរចោមរោមមើលគ្រោះថ្នាក់ចរាចរណ៍ករណី១នាំគ្នារត់ប្រសាចពេញផ្លូវដោយក្តីរន្ធត់បំផុត ។
ក្នុងហេតុការណ៍នេះ គេបានចាត់ទុកជាសំណាងល្អមួយ ដែរ ដែលមិនមានមនុស្សណាម្នាក់ ត្រូវរងគ្រោះថ្នាក់នោះទេ គ្រាន់តែខូចរថយន្តតែប៉ុណ្ណោះ ។
ចែករំលែកព័តមាននេះ