រាជធានីភ្នំពេញ ៖ តារាភាពយន្ត និងបង្ហាញម៉ូដកញ្ញាទឹម រដ្ឋា បានបង្អួតរូបភាពដ៏ផ្អែមល្ហែមជាមួយសង្សារបរទេស ក្នុងន័យរំលឹកចំណងស្នេហ៍របស់នាងដែលបានចំណាយពេល២ឆ្នាំមកហើយ ខណៈពេលដែលថ្ងៃចូលរោងការនៅមិនទាន់មានពន្លឺ ។ រូបថតអនុស្សាវរិយ៍ជាមួយសង្សារដ៏ផ្អែមល្ហែមដូចប្តីប្រពន្ធជាច្រើនសន្លឹកត្រូវទឹម…
រាជធានីភ្នំពេញ ៖ តារាភាពយន្ត និងបង្ហាញម៉ូដកញ្ញាទឹម រដ្ឋា បានបង្អួតរូបភាពដ៏ផ្អែមល្ហែមជាមួយសង្សារបរទេស ក្នុងន័យរំលឹកចំណងស្នេហ៍របស់នាងដែលបានចំណាយពេល២ឆ្នាំមកហើយ ខណៈពេលដែលថ្ងៃចូលរោងការនៅមិនទាន់មានពន្លឺ ។
រូបថតអនុស្សាវរិយ៍ជាមួយសង្សារដ៏ផ្អែមល្ហែមដូចប្តីប្រពន្ធជាច្រើនសន្លឹកត្រូវទឹម រដ្ឋា បង្ហោះបង្អួតមហាជនដោយមិនខ្លាចការរិះគន់ ក្នុងពេលដែលនាង និងបុរសជាសង្សារនៅមិនទាន់ចូលរោងការនៅឡើយ ។
ជាមួយរូបថតជាច្រើនសន្លឹកដែលទឹម រដ្ឋាបង្ហោះរំលឹកចំណងស្នេហ៍របស់នាងដែលមានរយៈពេល២ឆ្នាំនេះ ទឹម រដ្ឋា ក៏បានបង្ហោះសារដែលមានន័យជ្រៅបញ្ជាក់ពីការស្រឡាញ់យ៉ាងអស់ពីចិត្ត ចំពោះសង្សាររបស់នាង ។
សារដែលទឹម រដ្ឋា សរសេរនោះមានន័យថា «អរគុណទេវតា ដែលបានឲ្យបុរសម្នាក់នេះចូលមកក្នុងជីវិតរបសខ្ញុំ ដើម្បីបំពេញនួវ អ្វីៗក្នុងជីវិតរបស់ខ្ញុំ Jovany Antonio ។ ខ្ញុំមានពាក្យជាច្រើនក្នុងចិត្តរបស់ខ្ញុំដើម្បីប្រាប់អ្នក បងសម្លាញ់ ។ ប៉ុន្តែដំបូងខ្ញុំចង់ប្រាប់អ្នកថា ខ្ញុំពិតជាស្រឡាញ់អ្នកខ្លាំងណាស់ បងសម្លាញ់ »។
តាមរយៈសារ និងរូបភាពដែលទឹម រដ្ឋា បង្ហោះនាពេលនេះ បញ្ជាក់ថា ចំណងស្នេហ៍រវាងនាង និងបុរសបរទេសនេះគឺនៅតែមានភាពផ្អែមល្ហែមនៅឡើយ ផ្ទុយពីពាក្យចចាមអារ៉ាមកន្លងមកដែលគេសង្ស័យថា ចំណងស្នេហ៍ថ្មីនេះទំនងជាដល់ផ្លូវបំបែកហើយ ។
ជាការកត់សម្គាល់រូបភាពដ៏ផ្អែមល្ហែមដែលទឹម រដ្ឋា បានបង្ហោះនោះគឺមានប្រិយមិត្តគាំទ្ររបស់នាងបានចូលរួមអបអរសាទរ និងជូនពររូបនាងឲ្យមានថ្ងៃល្អនាពេលខាងដ៏ខ្លីនេះ ។
ទឹម រដ្ឋា មួយរយៈចុងក្រោយនេះគេសង្កេតឃើញកាន់តែមានភាពស្អិតរមួតជាមួយមិត្តប្រុសជនជាតិបរទេសរបស់នាង ខណៈពេលក្រុមអ្នកគាំទ្រសង្ឃឹមយ៉ាងមុតមាំថា រូបនាងនិងគូស្នេហ៍អាចនឹងមានដំណឹងល្អក្នុងពេល ឆាប់ៗនេះ ។
កញ្ញាទឹម រដ្ឋា មានព័ត៌មានជាច្រើនជាបន្តបន្ទាប់ចុះផ្សាយពីភាពសិចស៊ី និងគូស្នេហ៍ជនជាតិរបស់នាង តែទោះបីជាផ្សាយបែបវិជ្ជមាន ឬអវិជ្ជមានយ៉ាងណាក៏ដោយ នាងហាក់មិនសូវខ្វល់ពីពាក្យចចាមអារ៉ាមទាំងអស់នេះឡើយ ។
តារាសម្តែងទឹម រដ្ឋា ដែលធ្លាប់បានប្រកាសថា នាងគ្មានចំណាប់អារម្មណ៍ស្នេហាជាមួយបុរសជនជាតិខ្មែរទេ ជានិច្ចកាលនាងតែងតែបង្ហាញពីរូបភាពបែបសិចស៊ីដូចជាជនបរទេស ដែលជាហេតុធ្វើឲ្យនាងស្រលាញ់ និងមានមិត្តប្រុសតែជនបរទេស ៕
ចែករំលែកព័តមាននេះ