ខេត្តប៉ៃលិន ៖ បុរសចំណាស់ម្នាក់ ដែលមានរោគាប្រចាំកាយបានសម្រេចចិត្តយកកន្សែងចង.កសម្លាប់ខ្លួនភ្ជាប់នឹងចំរឹងបង្អួចផ្ទះ បន្ទាប់ពីហៅប្រពន្ធរបស់គាត់មកក្បែរ រួចសុំឱបបន្តិចសម្រាប់ជាដង្ហើមចុងក្រោយ តែប្រពន្ធមិនចាប់អារម្មណ៍ ហើយក៏ដួសបាយដាក់ចានស្រាក់យកទៅឱ្យកូននៅលក់ដូរឯផ្សារ លុះត្រឡប់មកវិញស្រាប់តែឃើញប្តីចង.កសម្លាប់ខ្លួន ភ្ជាប់នឹងចំរឹងបង្អួចស្លាប់បាត់ទៅហើយ…
ខេត្តប៉ៃលិន ៖ បុរសចំណាស់ម្នាក់ ដែលមានរោគាប្រចាំកាយបានសម្រេចចិត្តយកកន្សែងចង.កសម្លាប់ខ្លួនភ្ជាប់នឹងចំរឹងបង្អួចផ្ទះ បន្ទាប់ពីហៅប្រពន្ធរបស់គាត់មកក្បែរ រួចសុំឱបបន្តិចសម្រាប់ជាដង្ហើមចុងក្រោយ តែប្រពន្ធមិនចាប់អារម្មណ៍ ហើយក៏ដួសបាយដាក់ចានស្រាក់យកទៅឱ្យកូននៅលក់ដូរឯផ្សារ លុះត្រឡប់មកវិញស្រាប់តែឃើញប្តីចង.កសម្លាប់ខ្លួន ភ្ជាប់នឹងចំរឹងបង្អួចស្លាប់បាត់ទៅហើយ ទើបបង្កឱ្យមានការភ្ញាក់ផ្អើលតែម្តង ។ ហេតុការណ៍ចង.កធ្វើអត្តឃាតនេះ បានកើតឡើងកាលពីវេលាម៉ោង១០ និង៣០នាទីព្រឹកថ្ងៃទី២៨ មីនា ស្ថិតនៅក្នុងផ្ទះរបស់ខ្លួន ក្នុងភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ។
ប្រភពព័ត៌មានពីស្ត្រីចំណាស់ឈ្មោះ ហ៊ានឆៃឡេង អាយុ៧០ឆ្នាំ ត្រូវជាប្រពន្ធបុរសចំណាស់ចងកបានឱ្យដឹងថា ប្តីរបស់គាត់ឈ្មោះលីម សេង អាយុ៧២ឆ្នាំ ពិការ១ចំហៀងខ្លួនដោយសារកើតជំងឺលើសឈាម បានចង.កនឹងកន្សែងរុំដៃពិការរបស់គាត់ ភ្ជាប់នឹងចំរឹងបង្អួច ។ គាត់បន្តថា នៅព្រឹកថ្ងៃកើតហេតុ គាត់បានទិញបបរយកមកឱ្យប្តីរបស់ខ្លួនពិសាអស់១ចានធំ បន្ទាប់មកប្តីរបស់គាត់បានសុំឱ្យគាត់មកក្បែរ ដើម្បីឱបបន្តិច តែប្តីគាត់មិនបាននិយាយអ្វីវែងឆ្ងាយនោះឡើយ គ្រាន់តែមានទឹកមុខស្រពាប់ស្រពោនខុសពីធម្មតា ។ ពេលនោះ គាត់ជាប្រពន្ធមិនចាប់អារម្មណ៍នោះទេ បន្ទាប់ពីទទួលទានអាហារពេលព្រឹករួច គាត់ក៏បានដាំបាយដាក់ចានស្រាក់យកទៅឱ្យកូនៗលក់ដូរនៅឯផ្សារ លុះពេលត្រឡប់មកវិញស្រាប់តែឃើញកន្សែងចងភ្ជាប់នឹងចំរឹងបង្អួច ដោយមានការសង្ស័យគាត់ក៏ក្រឡេកមើលទៅខាងក្នុងផ្ទះ ឃើញប្តីរបស់ខ្លួនចងកស្លាប់បាត់ទៅហើយ ក៏រត់ទៅប្រាប់បងប្អូនកូនចៅឱ្យចូលមកមើល និងប្តឹងសមត្ថកិច្ចឱ្យចុះទៅត្រួតពិនិត្យតែម្តង ។
បើតាមប្រភពព័ត៌មានពីលោក ថី អៀន នាយប៉ុស្តិ៍នគរបាលសង្កាត់ប៉ៃលិន បានឱ្យដឹងថា ជនរងគ្រោះមានជំងឺស្លាប់១ចំហៀងខ្លួន អស់រយៈពេលជាង១០ឆ្នាំមកហើយ ដោយសារកើតជំងឺលើសឈាម ហើយប្រហែលជាគាត់ធុញទ្រាន់នឹងជំងឺរ៉ាំរ៉ៃព្យាបាលមិនជា បើរស់នៅលំបាកដល់ប្រពន្ធកូន ទើបនៅព្រឹកថ្ងៃកើតហេតុ គាត់បានសម្រេចចិត្តចងកសម្លាប់ខ្លួន ខណៈប្រពន្ធកូននាំគ្នាទៅធ្វើការងារនៅផ្សារអស់ ។ លោកបន្តទៀតថា បន្ទាប់ពីធ្វើកោសល្យវិច័យរួច ពិនិត្យឃើញថា ជនរងគ្រោះខាងលើពិតជាស្លាប់ដោយសារចងកសម្លាប់ខ្លួនឯងមែន ខាងលោកបានស្រាយចេញរួចប្រគល់សពជនរងគ្រោះឱ្យទៅក្រុមគ្រួសារដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ