ខេត្តរតនគិរី ៖ គោយន្តកែច្នៃក្រឡាប់ដោយខ្លួនឯង បណ្ដាលឱ្យអ្នកបើកបរម្នាក់បានស្លាប់ភ្លាមៗនៅនឹងកន្លែងកើតហេតុ ខណៈដែលកំពុងដឹកគ្រឿងផ្ទះចុះអូរក្នុងល្បឿនលឿនហួសកំណត់ ។ ហេតុការណ៍គោយន្តកែច្នៃក្រឡាប់បណ្ដាលឱ្យអ្នកបើកបរម្នាក់ស្លាប់នោះ បានកើតឡើងនៅវេលាម៉ោង១១និង៣០នាទី ថ្ងៃទី២៨ ខែមីនា…
ខេត្តរតនគិរី ៖ គោយន្តកែច្នៃក្រឡាប់ដោយខ្លួនឯង បណ្ដាលឱ្យអ្នកបើកបរម្នាក់បានស្លាប់ភ្លាមៗនៅនឹងកន្លែងកើតហេតុ ខណៈដែលកំពុងដឹកគ្រឿងផ្ទះចុះអូរក្នុងល្បឿនលឿនហួសកំណត់ ។ ហេតុការណ៍គោយន្តកែច្នៃក្រឡាប់បណ្ដាលឱ្យអ្នកបើកបរម្នាក់ស្លាប់នោះ បានកើតឡើងនៅវេលាម៉ោង១១និង៣០នាទី ថ្ងៃទី២៨ ខែមីនា ឆ្នាំ២០១៨ នៅត្រង់ចំណុចអូរសឹងអ៊ិល លើផ្លូវលំក្រាលក្រួសក្រហមក្នុងភូមិកាចាញ ឃុំល្បាំង២ ស្រុកលំផាត់ ខេត្តរតនគិរី ។
លោក ថេង ចន្ធី អធិការស្រុកលំផាត់ បានឱ្យដឹងថា គោយន្តកែច្នៃដឹកឈើរគ្រឿងផ្ទះបើកបរក្រឡាប់ខ្លួនឯងនោះមានទិសដៅពីកើតទៅលិច បណ្ដាលឲ្យមនុស្សស្លាប់ម្នាក់ជាអ្នកបើកបរឈ្មោះ រវិង កិ ភេទប្រុស អាយុ៤០ឆ្នាំ ជនជាតិព្រៅ មុខរបរកសិករ មានទីលំនៅភូមិកាទៀង ឃុំល្បាំង២ ស្រុកលំផាត់ ខេត្តរតនគិរី (បានស្លាប់នៅនឹងកន្លែងកើតហេតុតែម្តង ជាម្ចាស់រថយន្តកែច្នៃនោះ) ។
មានអ្នករួមដំណើរម្នាក់ឈ្មោះ វិន កាំភុន ភេទប្រុស អាយុ២៣ឆ្នាំ ជនជាតិព្រៅ មុខរបរកសិករ មានទីលំនៅភូមិឃុំជាមួយគ្នា មិនបណ្ដាលឲ្យរងរបួសឡើយ ។ លោកបន្តថា ដោយសារបើកបរគោយន្តកែច្នៃនោះក្នងល្បឿនលឿនចុះអូរ ក៏ក្រឡាប់តែម្តង ។ ក្រោយពេលកើតហេតុ កម្លាំងប៉ុស្តិ៍ឃុំល្បាំង២ សហការណ៍ជាមួយជំនាញអធិការស្រុកបានចុះពិនិត្យដល់កន្លែងកើតហេតុ ។ ហើយបានប្រគល់សាកសពឱ្យសាច់ញ្ញាតិ និងក្រុមគ្រួសារយកទៅធ្វើបុណ្យតាមប្រពៃណី ។ ឯវត្ថុតាងគោយន្តកែច្នៃបានរកមធ្យោបាយអូស យកមករក្សាទុកនៅប៉ុស្តិ៍ល្បាំង២ បណ្ដោះអាសន្ន ដើម្បីកសាងសំណុំរឿងតាមនីតិវិធី ៕
ចែករំលែកព័តមាននេះ