ខេត្តព្រៃវែង ៖ បន្ទាប់ពី សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចេញបទបញ្ជាឲ្យចេញចាប់ក្រុមរថយន្តដឹកលើសទំងន់ និងកែច្នៃតទ្រុងខុសលក្ខណបច្ចេកទេស…
ខេត្តព្រៃវែង ៖ បន្ទាប់ពី សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចេញបទបញ្ជាឲ្យចេញចាប់ក្រុមរថយន្តដឹកលើសទំងន់ និងកែច្នៃតទ្រុងខុសលក្ខណបច្ចេកទេស កាលពីដើមខែកុម្ភៈ មកនោះ អាជ្ញាធរខេត្តព្រៃវែង លោក ជា សុមេធី អភិបាលខេត្ត បានបង្កើតគណៈកម្មការចម្រុះមួយ ដែលមានសមាសភាពចូលរួមជាច្រើនស្ថាប័ន ដូចជាមន្ទីរសាធារណៈការខេត្ត កម្លាំងស្នងការដ្ឋាននគរបាលខេត្ត និងកម្លាំងកងរាជអាវុធហត្ថខេត្ត បានចេញធ្វើសកម្មភាពចាប់ឃាត់ផាកពិន័យទៅលើរថយន្តយីឌុបធំៗ ដែលដឹកលើសទម្ងន់ និងចាប់កាត់ទ្រុងរថយន្តដែលតខុសលក្ខណបច្ចេកទេសនៅតាមដងផ្លូវសំខាន់ៗក្នុងខេត្តព្រៃវែង ដូចជាផ្លូវជាតិលេខ១ និងផ្លូវជាតិលេខ៨A ជាដើម ហើយសកម្មភាពនេះ បានអនុវត្តទាំងថ្ងៃទាំងយប់ និងជារៀងរាល់ថ្ងៃនៅគ្រប់ស្រុកទាំងអស់ទូទាំងខេត្ត ធ្វើឲ្យមហាជនមានការគាំទ្រ និងសាទរជាខ្លាំង ។
ប៉ុន្តែមកដល់ពេលថ្មីៗនេះ ការគាំទ្រការសាទរទាំងនោះបានប្រែក្លាយទៅជាការរិះគន់យ៉ាងខ្លាំងទៅវិញ ដោយសារតែគណៈកម្មការចម្រុះនោះ បានប្រែក្រឡាខ្លួនទៅជាកុងត្រូលជជុះវិញ ដោយគេឃើញអង្គុយយកលុយពីក្រុមរថយន្តយីឌុបធំៗ ដែលធ្វើដំណើរឆ្លងកាត់ទីតាំងដែលគេដាក់កុងត្រូលនោះ មួយថ្ងៃៗរាប់សិបគ្រឿង ដោយមិនខ្វល់ចាប់ឃាត់ ឬចាប់កាត់ទ្រុងអ្វីនោះទេ ទោះបីជារថយន្តយីឌុបទាំងនោះ ដឹកលើសទំងន់ ឬតទ្រុងវែងខុសបច្ចេកទេសយ៉ាងណានោះទេ ៕
ចែករំលែកព័តមាននេះ