NBC NEWS កាលពីថ្ងៃទី២១ ធ្នូ ផ្សាយថា រូបថតប្រចាំឆ្នាំ២០១២ ជារូបភាពជួយជីវិតស្ត្រីដែលព្យាយាមលោតធ្វើអត្តឃាត គឺជាផ្នែកមួយនៃរូបថតប្រចាំឆ្នាំរបស់ NBC NEWS ដែលទទួលស្គាល់ថា ទំនាស់ក្នុងក្រុមគ្រួសារអាចឈានឆ្ពោះទៅរកសោកនាដកម្ម និងជាបញ្ហាដ៏ធំនៅក្នុងប្រទេសចិននាពេលបច្ចុប្បន្ន។
របាយការណ៍ដែលយោងតាមប្រភពព័ត៌មានក្នុងស្រុកសុំមិនបញ្ចេញឈ្មោះផ្សាយថា ស្ត្រីនោះឈ្មោះលួ អាយុ៥០ឆ្នាំ ព្យាយាមធ្វើអត្តឃាត កាលពីថ្ងៃទី១៤ សីហា ២០១២ ដោយឡើងទៅលើបរិវេណរាលហាលនៃអគារមួយនៅតំបន់គ័ងទុង ក្រោយពីសម្លាប់ក្មួយរួច ដោយហេតុតែខឹងប្អូនថ្លៃជាម្តាយរបស់ក្មេងប្រុសនោះ និងក្នុងអំឡុងពេលជាច្រើនថ្ងៃមុននាងមានអារម្មណ៍ថា មានបញ្ហាសុខភាពដោយសារប្អូនថ្លៃដាក់ថ្នាំពុល។
នាងលួមានជំងឺផ្លូវចិត្ត ហើយកាលពីមុនធ្លាប់ព្យាយាមធ្វើអត្តឃាតដែរ ប៉ុន្តែត្រូវរារាំងដោយសមាជិកគ្រួសារ។ អ្នកជិតខាង និងប៉ូលិសម្នាក់ព្យាយាមជួយសង្គ្រោះនៅពេលស្ត្រីនោះប៉ងសម្លាប់ខ្លួនលើកចុងក្រោយ ។ ប៉ូលិសបានគំរាមស្ត្រីនោះថា «បើគាត់លោត គេនឹងលោតធ្វើអត្តឃាតតាមដែរ»។ នៅពេលគាត់មានចិត្តរារែក ប៉ូលិសប្រញាប់ចូលទៅចាប់ទាញ និងជួយដោយសុវត្ថិភាព ។ នៅពេលរូបភាពនោះ ផ្សព្វផ្សាយ ធ្វើឱ្យទស្សនិកជនតាមប្រព័ន្ធអីុនធើរណេតជាច្រើននាក់ទទួលស្គាល់ថា ទំនាស់ក្នុងក្រុមគ្រួសារអាចឈានទៅរកសោកនាដកម្មរបស់គ្រប់ភាគីដែលពាក់ព័ន្ធ និងចំណាត់ការទំនាស់ក្នុងក្រុមគ្រួសារកំពុងក្លាយជាបញ្ហាចម្បងនៅប្រទេសចិន ៕
ចែករំលែកព័តមាននេះ