ខេត្តព្រៃវែង ៖ បុរសម្នាក់បានស្លាប់ភ្លាមៗនៅហ្នឹងកន្លែង បន្ទាប់ពីរូបគាត់ចេញទៅកៀងកូនគោនៅវាលស្រែ ខណៈពេលមេឃកំពុងរកភ្លៀង ។ ហេតុការណ៍គួរឲ្យរន្ធត់នេះ បានកើតឡើងកាលពីវេលាម៉ោង១៧និង៤៥នាទីថ្ងៃទី២១ ខែមីនា ឆ្នាំ២០១៨…
ខេត្តព្រៃវែង ៖ បុរសម្នាក់បានស្លាប់ភ្លាមៗនៅហ្នឹងកន្លែង បន្ទាប់ពីរូបគាត់ចេញទៅកៀងកូនគោនៅវាលស្រែ ខណៈពេលមេឃកំពុងរកភ្លៀង ។ ហេតុការណ៍គួរឲ្យរន្ធត់នេះ បានកើតឡើងកាលពីវេលាម៉ោង១៧និង៤៥នាទីថ្ងៃទី២១ ខែមីនា ឆ្នាំ២០១៨ នៅចំណុចដីប្រាំងខាងកើតភូមិបង្អែក ឃុំស្វាយភ្លោះ ស្រុកពាមជរ ខេត្តព្រៃវែង ចម្ងាយពីរភូមិ ៨០០ម៉ែត្រ ។
សមត្ថកិច្ចបានឲ្យដឹងថា ជនរងគ្រោះឈ្មោះ ដូង សារ៉ាត់ ភេទប្រុស អាយុ៥០ឆ្នាំ មានទីលំនៅភូមិបង្អែក ឃុំស្វាយភ្លោះ ស្រុកពាមជរ ខេត្តព្រៃវែង ។ ប្រភពបន្តថា មុនពេលកើតហេតុជនរងគ្រោះ ឃើញមេឃចង់ភ្លៀង ហើយគោមិនទាន់ត្រឡប់ចូលក្រោល គាត់ក៏ដើរទៅជួយយកគោកូនដែលនៅមើលនៅវាលស្រែប្រាំង ដែលនៅចម្ងាយ៨០០ម៉ែត្រ ពីភូមិ ស្របពេលនោះរន្ទះក៏បានបាញ់ត្រូវជនរងគ្រោះ បណ្តាលឲ្យស្លាប់ភ្លាមៗនៅនឹងកន្លែង ។
ក្រោយកើតហេតុសមត្ថកិច្ចបានចុះទៅពិនិត្យ និងប្រគល់សពជូនទៅក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ