មន្ដ្រីអាជ្ញាធរអប្សរា បានថ្លែងថា នៅពេលអនាគតដ៏ខ្លីខាងមុខនេះ ដងផ្លូវនិងប្រាសាទសំខាន់ៗមួយចំនួននៅ តាមវង់តូចនៃរមណីយដ្ឋានប្រវត្ដិសាស្ដ្រអង្គរនឹងត្រូវបំពាក់ឧបករណ៍បំភ្លឺប្រើដោយថាម ពលពន្លឺព្រះអាទិត្យ ដើម្បីទាក់ទាញភ្ញៀវ ទេសចរជាតិ-អន្ដរជាតិឱ្យទិញសំបុត្រចូល ទស្សនានៅពេលរាត្រី ។អគ្គនាយកអាជ្ញាធរអប្សរាលោក ប៊ុន ណារិទ្ធិ បានមានប្រសាសន៍ប្រាប់តាមទូរស័ព្ទ ថា គំរោងការថ្មីស្ដីពីការបំភ្លឺប្រាសាទនៅ ពេលយប់ មិនមែនធ្វើតែនៅលើប្រាសាទតែ មួយទេ គឺយើងត្រូវដាក់នៅតាមប្រាសាទ សំខាន់ៗមួយចំនួននៅតាមវង់តូច ហើយ តាមគំរោងជាក់ស្ដែងភ្លើងហ្វាដាក់បំភ្លឺគេមិនប្រើអគ្គិសនីយកមកបំភ្លឺទេ គឺគេប្រើថាម ពលពន្លឺព្រះអាទិត្យមកជំនួស ។
លោកអគ្គ នាយកបានបន្ដទៀតថា សំរាប់ភ្ញៀវដែល ទិញសំបុត្រចូលទស្សនាប្រាសាទពេលយប់ គឺបានរៀបចំជាក្រុមជិះរថយន្ដធំមួយគ្មាន ដំបូលងាយមើលមកខាងក្រៅ ហើយធ្វើ ដំណើរតាមវង់តូច ប៉ុន្ដែមិនអនុញាតឱ្យរថ យន្ដដឹកភ្ញៀវទេសចរនោះឈប់នៅតាម ប្រាសាទទេ គ្រាន់តែឱ្យបើកយឺតៗសំរាប់ឱ្យ ភ្ញៀវទស្សនាប្រាសាទរបស់យើងពីចំងាយ ដោយមានការអធិប្បាយតាមឧបករណ៍ ស្ដាប់សំលេងនឹងត្រចៀកទៅតាមភាសា ដែលភ្ញៀវតំរូវ ។
លោកប៊ុន ណារិទ្ធិ បានបន្ដទៀតថា គំរោងការបំភ្លឺពេលយប់នេះមានប្រយោជន៍ ច្រើនត្រង់ថា វាធានាបាននូវសុវត្ថិភាពភ្ញៀវ គ្រប់គ្រាន់មិនបារម្ភខ្លាចគ្រោះថ្នាក់ ឬមួយ ប៉ះពាល់ដល់ប្រាសាទដែរ ហើយក៏មិនមាន ការរំខានដល់ប្រជាពលរដ្ឋអ្វីទេ ព្រោះភ្ញៀវ គេអង្គុយតែនៅក្នុងរថយន្ដមិនចុះទៅណា ឡើយ។ ដូច្នេះគុណភាពដែលគេធ្វើនោះ មានស្ដង់ដាខ្ពស់ហើយ អ្នកបច្ចេកទេសក៏គេ ធ្លាប់ធ្វើនៅរមណីយដ្ឋានធំៗលើពិភពលោក ផងដែរ ។ លោកអគ្គនាយកបានបន្ថែមថា ទស្សនាទានថ្មីស្ដីពីការបំភ្លឺប្រាសាទនៅពេល យប់របស់យើងកំពុងស្ថិតនៅក្នុងដំណាក់ កាលសិក្សាជាគំនិត ជាប្លង់ ជាឯកសារនៅ ឡើយ ធ្វើយ៉ាងណាឱ្យវាល្អស័ក្ដិសមជាមួយ បេតិកភណ្ឌពិភពលោក ដោយយើងមិនទាន់ ឈានទៅដល់ដំណាក់កាលនិយាយពីក្រុម ហ៊ុន ឬអាជីវកម្មអ្វីនៅឡើយ ។
ចំណែកមន្ដ្រីអាជ្ញាធរអប្សរាមួយរូប ទៀតក៏បានប្រាប់ដែរថា គំរោងការបំភ្លឺ ប្រាសាទនោះត្រូវបានក្រុមអ្នកបច្ចេកទេស រៀបចំចងក្រងជាឯកសារគោលរួចស្រេច តាមប្រព័ន្ធកុំព្យូទ័រ ហើយថែមទាំងបានធ្វើ ការបង្ហាញនៅក្នុងអង្គប្រជុំលើកទី១៦នៃ គណៈកម្មាធិការអន្ដរជាតិសំរបសំរួលកិច្ច គាំពារ និងអភិវឌ្ឍន៍តំបន់រមណីយដ្ឋានវប្ប ធម៌ប្រវត្ដិសាស្ដ្រអង្គរ“សេអ៊ីសេ” រួចរាល់ ដែរ។ គេគាំទ្រគំរោងការរបស់យើង ព្រម ទាំងសរសើរថា ជាគំនិតល្អ ប៉ុន្ដែគេចាំបាច់ ត្រូវតែមកជួយសិក្សាគំរោងបន្ថែមដើម្បី សំរេចនូវឯកសារបច្ចេកទេសមួយនេះឱ្យកាន់ តែប្រសើរថែមទៀត ។
លោកថោង ខុន រដ្ឋមន្ដ្រីក្រសួងទេស ចរណ៍បានមានប្រសាសន៍ប្រាប់តាមទូរស័ព្ទ កាលពីព្រឹកថ្ងៃទី២៨ ធ្នូ ថា លោកបានឃើញ គំរោងបំភ្លឺប្រាសាទហើយតាមរយៈការ បង្ហាញជារូបភាពព្រាងដោយអាជ្ញាធរ អប្សរានៅក្នុងកិច្ចប្រជុំ“សេអ៊ីសេ” កាលពី ពេលថ្មីៗកន្លងទៅនោះ គឺឃើញថាល្អខ្លាំង ណាស់ ទៅថ្ងៃអនាគតខេត្ដសៀមរាបនឹង ក្លាយទៅជាខេត្ដទេសចរណ៍ដ៏មានសក្ដានុ ពលយ៉ាងពិតប្រាកដ ។ លោករដ្ឋមន្ដ្រីបាន មានប្រសាសន៍ទៀតថា ក្នុងនាមក្រសួងទេស ចរណ៍ លោកសូមស្វាគមន៍និងគាំទ្រចំពោះ ផែនការនោះ ព្រោះថា វានឹងលើកកំពស់ ប្រាសាទរបស់យើងសំបើមណាស់ វាមិនត្រឹម តែជាបេតិកភណ្ឌពិភពលោកប៉ុណ្ណោះទេ វាគឺជាអច្ឆរិយវត្ថុដ៏អស្ចារ្យមួយនៅក្នុង អាស៊ី។
បន្ថែមពីលើនោះធ្វើឱ្យភ្ញៀវទេស ចរមានការចាប់អារម្មណ៍ និងជក់ចិត្ដខ្លាំង ណាស់ ព្រមទាំងអាចទាក់ទាញទេសចរនៅ ពេលយប់ក៏ដូចជាទាក់ទាញការស្នាក់នៅឱ្យ គេចាយវាយលុយកាក់កាន់តែច្រើននៅក្នុង ប្រទេសរបស់យើង គឺក្រសួងសូមគាំទ្រយ៉ាង ពេញទំហឹង។ដោយឡែក ក្រុមអ្នកស្នេហាវប្បធម៌ មួយចំនួនបានលើកឡើងថា ពួកគេសូម ស្វាគមន៍ចំពោះអាជ្ញាធរអប្សរាដែលមាន ផែនការដាក់ភ្លើងនោះ ប៉ុន្ដែគេសូមឱ្យមាន ការសិក្សាពីផលប៉ះពាល់ឱ្យបានល្អិតល្អន់ជា មុនសិនមុននឹងចាប់ផ្ដើមអនុវត្ដគំរោង ព្រោះ ករណីប្រាសាទជាសម្បត្ដិមរតកវប្បធម៌វាជារឿងរសើបបំផុតដែលអាចនាំឱ្យកើតមាន ការយល់ច្រឡំដូចកាលកន្លងទៅ ។
ចែករំលែកព័តមាននេះ