ខេត្តព្រៃវែង ៖ បុរសជាកម្មករឡឥដ្ឋ២នាក់ ដោយសារ តែរឿងទំនាស់ពាក្យសម្តីបានធ្វើឲ្យមានការទាញពូថៅកាប់គ្នាមួយប្រាវ បណ្តាលឲ្យភាគីម្ខាងរងរបួសយ៉ាងធ្ងន់ធ្ងរ ។ ហេតុការគួរឲ្យរន្ធត់នេះ បានកើតឡើងកាលពីវេលាម៉ោង២៣និង១០នាទីយប់ថ្ងៃទី១៩ ខែមីនា…
ខេត្តព្រៃវែង ៖ បុរសជាកម្មករឡឥដ្ឋ២នាក់ ដោយសារ តែរឿងទំនាស់ពាក្យសម្តីបានធ្វើឲ្យមានការទាញពូថៅកាប់គ្នាមួយប្រាវ បណ្តាលឲ្យភាគីម្ខាងរងរបួសយ៉ាងធ្ងន់ធ្ងរ ។ ហេតុការគួរឲ្យរន្ធត់នេះ បានកើតឡើងកាលពីវេលាម៉ោង២៣និង១០នាទីយប់ថ្ងៃទី១៩ ខែមីនា ឆ្នាំ២០១៨ នៅចំណុចបរិវេណឡឥដ្ឋ ស្ថិតក្នុងភូមិពានាផ្សារឃុំក្តៀងរាយ ស្រុកកញ្ជ្រៀច ខេត្តព្រៃវែង ។
សមត្ថកិច្ចនៅមូលដ្ឋានបានឲ្យដឹងថា ភាគីដែររងរបួស និងក្លាយជាជនរងគ្រោះមានឈ្មោះ ភាក ភា អាយុ៣០ឆ្នាំ ជាកម្មករឡឥដ្ឋ ស្នាក់នៅភូមិ-ឃុំកើតហេតុបានរងរបួសធ្ងន់១កន្លែងខាងលើត្របកភ្នែក មុតដល់ឆ្អឹងក្បាលរងរបួសធ្ងន់ ត្រូវក្រុមគ្រួសារដឹកបញ្ជូនយកទៅព្យាបាលនៅពេទ្យខេត្តព្រៃវែង ។
ចំណែកជនសង្ស័យដែលជាអ្នកបង្ករបួសស្នាមមានឈ្មោះ ឆន កេត អាយុ២៥ឆ្នាំ មុខរបរកម្មករឡឥដ្ឋ ស្នាក់នៅភូមិ-ឃុំជាមួយគ្នា ។ ប្រភពបន្តថា ក្រោយកើតហេតុសមត្ថកិច្ចចុះទៅធ្វើការឃាត់ខ្លួនជនសង្ស័យបាន ជាក់ស្តែងភ្លាមៗ និងដកហូតបានវត្ថុតាងនូវពូថៅ១ នាំយកមកសាកសួរនៅអធិការដ្ឋាននគរបាលស្រុកកញ្ជ្រៀច ដើម្បីកសាងសំណុំរឿងចាត់ការតាមនីតិវិធីច្បាប់ ។
សមត្ថកិច្ចបញ្ជាក់ថា ករណីនេះ គឺផ្តើមចេញពីជម្លោះទំនាស់ពាក្យសម្តីគ្នាទើបឈានដល់ការទាញពូថៅកាប់គ្នាបែបនេះ ៕
ចែករំលែកព័តមាននេះ