ខេត្តកំពង់ចាម ៖ ក្នុងពិធីសម្ពោធដាក់ឲ្យប្រើប្រាស់ជាផ្លូវការសាលាពុទ្ធិកបឋមសិក្សាមួយខ្នង មាន២ជាន់ មាន៦បន្ទប់ និងធ្វើបុណ្យឆ្លងសមិទ្ធផលនានាស្ថិតនៅក្នុងវត្តប្រាសាទវដ្តី (វត្តត្បូង) ឃុំព្រែកដំបូង ស្រុកស្រី សន្ធរ…
ខេត្តកំពង់ចាម ៖ ក្នុងពិធីសម្ពោធដាក់ឲ្យប្រើប្រាស់ជាផ្លូវការសាលាពុទ្ធិកបឋមសិក្សាមួយខ្នង មាន២ជាន់ មាន៦បន្ទប់ និងធ្វើបុណ្យឆ្លងសមិទ្ធផលនានាស្ថិតនៅក្នុងវត្តប្រាសាទវដ្តី (វត្តត្បូង) ឃុំព្រែកដំបូង ស្រុកស្រី សន្ធរ ខេត្តកំពង់ចាម នាព្រឹកថ្ងៃទី១៩ មិនា ២០១៨ ។
លោក គួច ចំរើន អភិបាលខេត្តកំពង់ចាមបានលើកឡើងថា ក្នុងអំឡុងសង្គ្រាមរបបប្រល័យពូជសាសន៍ប៉ុល ពត បានយកទីវត្តអារាមធ្វើជាកន្លែងសម្លាប់មនុស្ស ឬកន្លែងដាក់អាវុធនេះ គឺដោយសារតែអ្នកនយោបាយបានដើរខុសផ្លូវដែលបានដឹកនាំឲ្យកម្ពុជាចូលក្នុងភ្នក់ភ្លើងសង្គ្រាម ។
ដោយឡែកនាពេលនេះប្រទេសកម្ពុជា បច្ចុប្បន្នកំពុងមានការអភិវឌ្ឍន៏លើគ្រប់វិស័យប្រទេសមានសុខសន្តិភាពប្រជាជនអាចប្រកបមុខរបរចិញ្ចឹមជីវិតដោយមិនមានបញ្ហាអ្វីទាំងអស់ ។
លោក គួច ចំរើន បានស្នើឲ្យប្រជាជនត្រូវចេះថែរក្សានូវសន្តិភាពនេះឲ្យបាន ដើម្បីបន្តរួមគ្នាក្នុងការកសាង ប្រទេសមួយនេះឲ្យជឿនលឿន ដូចប្រទេសដទៃទៀតផងដែរ ។ ក្នុងពេលនោះដែរលោក គួច ចំរើន បានដឹកនាំមន្ត្រីជំនាញ ក្រោមឱវាទចុះពិនិត្យផ្លូវបេតុងដែលជាអំណោយរបស់សម្តេចអគ្គមហាសេនាបតីតេជោ ហ៊ុន សែន ១៦គីឡូ៧០០ម៉ែត្រឆ្លងកាត់៤ឃុំក្នុង ស្រុក ស្រីសន្ធរ ។
ដែលផ្លូវបេតុងនេះកំពុងឈូសឆាយបានប្រវែង៧០០ម៉ែត្រ ដោយឡែកចាក់គ្រួសបាន២០០ម៉ែត្រ ទទឹង៨ម៉ែត្រ ចំណែកបេតុងនឹងចាក់នៅថ្ងៃស្រុក សប្តាហ៍នេះ មានទទឹង៧ម៉ែត្រ ៕
ចែករំលែកព័តមាននេះ