ប្រពន្ធកូនប្រុសច្បងលោកត្រាំ ដាក់ពាក្យប្តឹងសុំលែងប្តី
សហរដ្ឋអាមេរិក ៖ សារព័ត៌មានអាមេរិកជាច្រើនរាយការណ៍ថា ភរិយារបស់លោក DONALD TRUMP JR កូនប្រុសច្បងប្រធានាធិបតីអាមេរិក កាលពីថ្ងៃទី១៥ មីនា…
សហរដ្ឋអាមេរិក ៖ សារព័ត៌មានអាមេរិកជាច្រើនរាយការណ៍ថា ភរិយារបស់លោក DONALD TRUMP JR កូនប្រុសច្បងប្រធានាធិបតីអាមេរិក កាលពីថ្ងៃទី១៥ មីនា…
សហរដ្ឋអាមេរិក ៖ សារព័ត៌មានអាមេរិកជាច្រើនរាយការណ៍ថា ភរិយារបស់លោក DONALD TRUMP JR កូនប្រុសច្បងប្រធានាធិបតីអាមេរិក កាលពីថ្ងៃទី១៥ មីនា បានដាក់ពាក្យប្តឹងសុំលែងលេះ ។
លោកស្រី VANESSA TRUMP អាយុ៤០ឆ្នាំ ឈ្មោះដើម HAYDON បានរៀបការជាមួយលោក DONALD JR អាយុ៤០ឆ្នាំដែរ ចាប់តាំងពីខែវិច្ឆិកា ឆ្នាំ២០០៥មក ។ ប្តីប្រពន្ធនេះមានកូន៥នាក់ ដែលមានអាយុចាប់ពី៣ទៅ១០ឆ្នាំ រយៈពេលជាង១២ឆ្នាំ ក្រោយរៀប
ការ ។
យោងតាមសារព័ត៌មានជាច្រើនថា អតីតនារីបង្ហាញម៉ូដរូបនេះដាក់ពាក្យប្តឹងសុំចែកផ្លូវគ្នាដោយពុំមានរឿងចោទប្រកាន់ ដែលនោះជានីតិវិធីជាទូទៅគេហៅថា សុំចែកផ្លូវគ្នាដោយមានការព្រមព្រៀង ។ ពេល AFP សួរនាំពីរឿងនេះដំបូងក្រុមហ៊ុន TRUMP ORGANIZATION ពុំបានអះអាងភ្លាមៗពីព័ត៌មានលេចឮទាំងនេះឡើយ ។
កាសែតញូវយ៉កប៉ុស្តិ៍តាំងពីច្រើនសប្តាហ៍មក ហើយលើកពីបញ្ហាខ្វែងគំនិតគ្នានានាក្នុងផ្ទៃប្តីប្រពន្ធមួយគូនេះទាក់ទិននឹងការដើរហើរច្រើនពេករបស់លោក DONALD JR ដែលភរិយាលោកពុំពេញចិត្ត ។
កាលពីពាក់កណ្តាលខែកុម្ភៈ លោកស្រី VANESSA TRUMP ជួបប្រទះនឹងឧប្បត្តិ
ហេតុមួយពេលបើកសំបុត្រផ្ញើឱ្យស្វាមីដោយក្នុងស្រោមសំបុត្រនេះមានម្សៅពណ៌សដ៏អាថ៌កំបាំងមួយ ។ ម្សៅនេះហាក់ពុំបណ្តាលឱ្យមានគ្រោះថ្នាក់ ប៉ុន្តែលោកស្រី VANESSA TRUMP ត្រូវទៅមន្ទីរពេទ្យដើម្បីជាការបង្ការក៏ដូចជាម្តាយលោកស្រីដែលនៅជាមួយគ្នាពេលបើកសំបុត្រនេះ ។
ទោះបីយ៉ាងណា តាមសេចក្តីប្រកាសមួយផ្សាយដោយអ្នកនាំពាក្យរបស់ក្រុមហ៊ុន TRUMP ORGANAZATION ជាក្រុមហ៊ុនគ្រួសាររបស់ត្រកូលត្រាំ ថា ប្តីប្រពន្ធនោះគូសបញ្ជាក់ថា ក្រោយរៀបការជាមួយគ្នា១២ឆ្នាំ យើងបានសម្រេចចែកផ្លូវគ្នា ។ យើងនឹងនៅតែគោរពគ្នាទៅវិញទៅមកជានិច្ច ។ យើងសុំឱ្យលោកអ្នកគោរពដល់ជីវិតឯកជនរបស់ពួកយើងក្នុងដំណាក់កាលលែងលះគ្នា ។ យើងនៅមើលថែទាំកូនទាំង៥រួមគ្នា ៕
ចែករំលែកព័តមាននេះ