រាជធានីភ្នំពេញ ៖ តារាភាពយន្ត និងបង្ហាញម៉ូដកញ្ញាទឹម រដ្ឋា បានសម្តែងការភ្ញាក់ផ្អើល បន្ទាប់ពីនាងបានដឹងរឿងភ័ន្តច្រឡំមួយលើរូបនាងពាក់ព័ន្ធទៅនឹងការជាប់កិច្ចសន្យា ដែលជាបញ្ហានាំឲ្យនាងបាត់បង់ចំណូលពីអាជីពសិល្បៈជាបន្តបន្ទាប់ ។ ទឹម…
រាជធានីភ្នំពេញ ៖ តារាភាពយន្ត និងបង្ហាញម៉ូដកញ្ញាទឹម រដ្ឋា បានសម្តែងការភ្ញាក់ផ្អើល បន្ទាប់ពីនាងបានដឹងរឿងភ័ន្តច្រឡំមួយលើរូបនាងពាក់ព័ន្ធទៅនឹងការជាប់កិច្ចសន្យា ដែលជាបញ្ហានាំឲ្យនាងបាត់បង់ចំណូលពីអាជីពសិល្បៈជាបន្តបន្ទាប់ ។
ទឹម រដ្ឋា មួយរយៈចុងក្រោយនេះហាក់មិនសូវទទួលបានទីផ្សារសម្តែងភាពយន្តច្រើនដូចតារាផ្សេងទៀតឡើយ ប៉ុន្តែនាងនៅតែទទួលបានការដើរម៉ូឌ និងថតMV ជាបន្ត បន្ទាប់ ។ បញ្ហានេះកើតមានបន្ទាប់ពីទឹម រដ្ឋា ត្រូវគេបង្ហើបឲ្យដឹងថា នាងបាន និងកំពុងតែជាប់កិច្ចសន្យាផ្តាច់មុខឲ្យហាងកែសម្រស់មួយ ដែលបញ្ហានេះទំនងជាដើមហេតុនាំឲ្យមានការយល់ច្រឡំលើរូបនាងពីបណ្តាម្ចាស់ផលិតកម្ម និងក្រុមហ៊ុន ផ្សេងៗ ។
ក្រោយពីទទួលដំណឹងនេះតារាសម្តែងដែលចូលចិត្តសម្ញែងរូបភាពកាច់ស្តាយបែប កាចៗកញ្ញាទឹម រដ្ឋា បានបដិសេធចោល ភ្លាមៗ និងបានចាត់ទុកព័ត៌មាននេះគឺជាការភ័ន្តច្រឡំមកលើរូបនាងប៉ុណ្ណោះ ។
ទឹម រដ្ឋា អះអាងថា «នាងខ្ញុំសូមជម្រាបដល់បណ្ដាផលិតកម្ម និងក្រមហ៊ុន ផ្សេងៗទៀត ដែលបានយល់ច្រឡំថានាងខ្ញុំថាប់កិច្ចសន្យាជាមួយផលិតកម្ម ឬក្រុមហ៊ុនណាមួយ ហើយមិនហ៊ានទាក់ទងមកនាងខ្ញុំ ទៅធ្វើការជាមួយ ឬក៏ដើរបង្ហាញម៉ូត ផ្សេងៗទៀតផងដែរ ។ នាងខ្ញុំទើបតែបានទទួលដំណឹងថាពួកគាត់ទាំងអស់នោះមិនហ៊ានទាក់ទងមកធ្វើការជាមួយនាងខ្ញុំឡើយ ព្រោះគិតថានាងខ្ញុំបានជាប់កុងត្រាជាមួយក្រុមហ៊ុនណាមួយ ។ អ៊ីចឹងហើយទើបនាងខ្ញុំចេញមុខបកស្រាយសូមកុំមានការយល់ច្រឡំតទៅទៀត ព្រោះនាងខ្ញុំនៅទំនេរ ហើយក៏មិនបានជាប់កុងត្រាជាមួយនឹងក្រុមហ៊ុនណាដែរ សូមកុំមានការយល់ច្រឡំតទៅទៀត ហើយនាងខ្ញុំនឹងទទួលស្វាគមន៍ការងារដោយរីករាយដដែល »។
ទឹម រដ្ឋា គឺជាតារាមួយរូបដែលស្ថិតក្នុងចំណោមតារាមួយចំនួនផ្សេងទៀតដែលចូលចិត្តសម្ញែងភាពសិចស៊ីរបស់ខ្លួនមិនខ្លាចភ្នែកមហាជនឡើយ ។
បើក្រឡេកមើលពីអាជីពសិល្បៈវិញ ទឹម រដ្ឋា ក៏មានទីផ្សារច្រើនគួសមមិនចាញ់តារា ល្បីៗផ្សេងទៀតឡើយ ។ ចំពោះជីវិតស្នេហាវិញតារារូបនេះហាក់មិនទាន់បានជោគជ័យនៅឡើយទេ បើទោះបីជាពេលនេះនាងកំពុងតែសាងភាពផ្អែមល្ហែមជាបុរសបរទេសក៏ដោយ ព្រោះដំណឹងរៀបការមិនទាន់ចេញជារូបរាងនៅឡើយទេ ៕
ចែករំលែកព័តមាននេះ