បញ្ហាដីធ្លីទៀតហើយ ! ប្រជាពលរដ្ឋ១៥គ្រួសារស្នើសុំអាជ្ញាធរជួយរកយុត្តិធម៌
- កំពង់ឆ្នាំង
ខេត្តកំពង់ឆ្នាំង ៖ ប្រជាពលរដ្ឋចំនួន១៥គ្រួសារ រស់នៅភូមិផ្សារ ឃុំផ្សារ ស្រុកបរិបូរណ៍ នៅព្រឹកថ្ងៃទី១៥ ខែមីនា ឆ្នាំ ២០១៨នេះ…
ខេត្តកំពង់ឆ្នាំង ៖ ប្រជាពលរដ្ឋចំនួន១៥គ្រួសារ រស់នៅភូមិផ្សារ ឃុំផ្សារ ស្រុកបរិបូរណ៍ នៅព្រឹកថ្ងៃទី១៥ ខែមីនា ឆ្នាំ ២០១៨នេះ…
ខេត្តកំពង់ឆ្នាំង ៖ ប្រជាពលរដ្ឋចំនួន១៥គ្រួសារ រស់នៅភូមិផ្សារ ឃុំផ្សារ ស្រុកបរិបូរណ៍ នៅព្រឹកថ្ងៃទី១៥ ខែមីនា ឆ្នាំ ២០១៨នេះ បានសំណូមពរដល់មន្ត្រីជំនាញពាក់ព័ន្ធ រួមនឹងអាជ្ញាធរស្រុក និងខេត្តសូមមេត្តាជួយរកយុត្តិធម៌ ជូនពួកគាត់ផង ព្រោះតែពួកគាត់បានទិញដីពីប្រជាពលរដ្ឋតាំងពីឆ្នាំ២០០៧ ស្រាប់តែថ្មីៗនេះ ត្រូវក្រុមហ៊ុនមួយ មកឈូសឆាយរំលោភយកដីរបស់ពួកគាត់អស់ជាង២០ហិកតា ហើយបើកុំពួកគាត់ និងអាជ្ញាធរស្រុកចុះមក ឃាត់ទាន់ ម្លេះត្រូវក្រុមហ៊ុននោះឈួសរំលោភយកអស់គ្មានសល់ឡើយ។ ក្រុមប្រជាពលរដ្ឋទាំងនោះ បានអះអាងថា ពួកគាត់ជាបងប្អូនគ្នាចំនួន១៥នាក់ បានទិញដីពីប្រជាពលរដ្ឋដែលជាអតីតជីវពល ចំនួនជាង៥០គ្រួសារ នៅចំណុចថ្លុកគ្រង់ ស្ថិតក្នុងភូមិអញ្ជាញរូង ឃុំអញ្ជាញរូង ស្រុកបរិបូរណ៍ ក្នុងអំឡុងឆ្នាំ២០០៧ -២០០៨។ ប៉ុន្តែដោយសារតែរដ្ឋ មិនទាន់ចេញច្បាប់កម្មសិទ្ធដីធ្លីឲ្យពួកគាត់ ទើបគាត់មិនទាន់ហ៊ានអភិវឌ្ឍន៍ដាំដំណាំអ្វីនៅឡើយ។ ក្រោយមកស្រាប់តែថ្មីៗនេះគាត់បានទទួលដំណឹងថា មានក្រុមហ៊ុនមួយមិនស្គាល់ឈ្មោះ តែមានម្ចាស់គ្រឿងចក្រឈ្មោះ ជា គីមឡេង បានឈូសឆាយរំលោភលើ ដីរបស់ពួកគាត់អស់ជាច្រើនហិកតា។
បន្ទាប់នៅថ្ងៃទី១១ ខែមីនា ឆ្នាំ២០១៨ ក្រុមគ្រួសារគាត់ រួមនឹងអភិបាលស្រុកបរិបូរណ៍ បានមកពិនិត្យលើដីរបស់ពួកគាត់ ឃើញមានគេឈូសឆាយរំលោភយកពិតមែន ពេលនោះលោក ឃួន សៅរុំ អភិបាលស្រុកបរិបូរណ៌ ក៏បានសួររកលិខិតស្នាម តែមិនមានលក្ខណៈត្រឹមត្រូវតាម ច្បាប់គាត់(អភិបាលស្រុក) ក៏បានធ្វើការឃាត់ការឈូសឆាយនោះជាបណ្តោះ អាសន្ន បន្ទាប់មកក្រុមហ៊ុននោះ ក៏បានផ្អាកតាមការបញ្ជារបស់លោកអភិបាលស្រុក។ អាស្រ័យហេតុនេះ ពួកគាត់ទាំង១៥គ្រួសារ សូមអំពាវនាវដល់មន្ត្រីជំនាវ អាជ្ញាស្រុក ខេត្ត សូមមេត្តាជួយផ្តល់ភាពយុត្តិធម៌ជូនពួកគាត់ទាំង១៥គ្រួសារផង។ ក្នុងពេលនោះដែរបុរសម្នាក់ឈ្មោះ ចិន ស៊ីម មានទីលំនៅភូមិអញ្ជាញរូង បានអះអាងថា គាត់ជាអតីត នគរបាលភូមិអញ្ជាញរូង បានបញ្ញាក់ថា កាលនោះលោកមេឃុំអញ្ចាញរូង មានលោក ជឹម សុខេង និងលោក អ៊ូច តាន់ បានចែកដីនៅចំណុចខាងលើទៅឲ្យក្រុមជីវពលឃុំអញ្ជាញរូងចំនួនជាង៥០គ្រួសារ ក្នុង១គ្រួសារ ទទួលបានដីចំនួន៥ហិកតា។
លុះក្រោយមកក្រុមជីវពលទាំងនោះ បានលក់ទៅឲ្យឈ្មោះ តៅ សុខលៀង ឈ្មោះ តៅ អេង និង តៅ ហួរ ជាបងប្អូនមាន១៥គ្រួសារ ដែលមានផ្ទៃដីចំនួន១៤២ហិកតា។ ស្រាប់តែថ្មីមានភាគីផ្សេង ដែលគាត់មិនស្គាល់ជាអ្នកណាទេ មកឈូសឆាយយកដីរបស់ប្រជពលរដ្ឋទាំង១៥គ្រួសារទៅវិញ។ យ៉ាងនេះក្តី លោក ឃួន សៅរុំ អភិបាលស្រុកបរិបូរណ៍ ភ្នាក់ងារយើងមិនអាចសុំការបំភ្លឺបានទេ ព្រោះទូរសព្ទ័ចូល តែគ្មានអ្នកលើក។ ចំណែកភាគី អ្នកឈូសឆាយដីខាងលើ ក៏មិនអាចសុំការបំភ្លឺបានដែរ តែបើមានការប្រែព្រួលណាមួយ យើងនឹងផ្សាយព័ត៌មានបន្ថែមជុំវិញរឿងនេះ៕
ចែករំលែកព័តមាននេះ