ខេត្តឧត្តរមានជ័យ ៖ នគរបាលការិយាល័យប្រឆាំងគ្រឿងញៀន នៃស្នងការដ្ឋាននគបាលខេត្តឧត្តរមានជ័យ បានសហការណ៍ជាមួយកម្លាំងប៉ុស្តិ៍រដ្ឋបាលក្រុងសំរោង ចុះអនុវត្តន៍ដីការលេខ១១.១៨. ចុះថ្ងៃទី០៨ ខែកុម្ភៈ ឆ្នាំ២០១៨ ដោយ លោក រិន ភិរុណ ចៅក្រមស៊ើបសួរសាលាដំបូងខេត្តឧត្តរមានជ័យ ។
ជនដែលជាប់ចោទពីបទគ្រឿងញៀនឈ្មោះ យិន សាវរី ហៅដំឡូង ភេទប្រុស អាយុ១៧ឆ្នាំ រស់នៅភូមិឈូក សង្កាត់សំរោង ខេត្តឧត្តរមានជ័យ រួមជាមួយនឹងវត្ថុតាងថ្នាំញៀនប្រភេទមេតំហ្វេតាមីន (ICE) ចំនួន១១កញ្ចប់ ធំ០១កញ្ចប់ ស្មើនឹង២.០៧ក្រាម ទូរស័ព្ទដៃចំនួន១គ្រឿង ដបកែច្នៃសម្រាប់ជក់ចំនួន២ ដែកកេះចំនួន៤ និងបំពង់សម្រាប់ថ្នាំញៀនមួយចំនួន ។
នគរបាលផ្នែកការិយាល័យប្រឆាំងគ្រឿងញៀនបានឱ្យដឹងថា មុនពេលធ្វើការចាប់ខ្លួនជនសង្ស័យរូបនេះ យោងទៅលើមានដីកាចាប់ខ្លួនរបស់លោកចៅក្រមអមសាលាដំបូងខេត្តឧត្តរមានជ័យ ក្រោយពីបានចាប់ខ្លួន សមត្ថកិច្ចបានបញ្ជូនទៅសាលាដំបូងខេត្តចាត់ការតាមនីតិវិធី ៕
ចែករំលែកព័តមាននេះ