ខេត្តឧត្តរមានជ័យ ៖ ឈើធំមួយដើមដុះលើចិញ្ចើមផ្លូវ ពិតជាចៃដន្យមែន… ពេលណាមិនបាក់ មកបាក់ចំវិនាទីដែលបុរសម្នាក់ធ្វើដំណើរមកដល់ក៏បាក់រលំសង្កត់ស្លាប់បាត់បង់ជីវិតភ្លាមៗនៅនឹងកន្លែងកើតហេតុ កាលពីម៉ោង៩និង៣០នាទីព្រឹកថ្ងៃទី១២ មីនា ។ ហេតុការណ៍នេះបានកើតឡើងនៅតាមផ្លូវលំមួយខ្សែ…
ខេត្តឧត្តរមានជ័យ ៖ ឈើធំមួយដើមដុះលើចិញ្ចើមផ្លូវ ពិតជាចៃដន្យមែន… ពេលណាមិនបាក់ មកបាក់ចំវិនាទីដែលបុរសម្នាក់ធ្វើដំណើរមកដល់ក៏បាក់រលំសង្កត់ស្លាប់បាត់បង់ជីវិតភ្លាមៗនៅនឹងកន្លែងកើតហេតុ
កាលពីម៉ោង៩និង៣០នាទីព្រឹកថ្ងៃទី១២ មីនា ។
ហេតុការណ៍នេះបានកើតឡើងនៅតាមផ្លូវលំមួយខ្សែ ស្ថិតក្នុងភូមិត្រពាំងធំ ឃុំលំទងស្រុកអន្លង់វែង ។ ជនរងគ្រោះដែលដើមឈើរលំសង្កត់ពីលើឈ្មោះ ស៊ីម ផ្លោក ភេទប្រុស អាយុ២៦ឆ្នាំ រស់នៅភូមិអណ្ដូងចាន់ ឃំុស្រែណូយ ស្រុកវ៉ារិនខេត្តសៀមរាប ។ អ្នកភូមិបានឱ្យដឹងថា ជនរងគ្រោះតែងតែជិះម៉ូតូដឹកត្រីលក់ ឱ្យអ្នកភូមិជារៀងរាល់ថ្ងៃ ហើយនៅក្នុងថ្ងៃកើតហេតុនេះ មានដើមឈើធំមួយដើម ដែលភ្លើងព្រៃកំពុងឆេះគល់បានដួលរលំ ស្របពេលជនរងគ្រោះជិះម៉ូតូទៅដល់ល្មមហាក់ដូចជីវិតផុយស្រួល និងចៃដន្យមួយបណ្តាលឱ្យសង្កត់មនុស្សនឹងម៉ូតូស្លាប់ភ្លាមៗនៅកន្លែងកើតហេតុលើផ្លូវលំ ។
ប៉ូលិសស្រុកអន្លង់វែងបានឱ្យដឹងថា ក្រោយពីបានទទួលព័ត៌មានរាយការណ៍ សមត្ថកិច្ចបានទៅដល់កន្លែងកើតហេតុ ដើម្បីធ្វើការពិនិត្យឃើញថា ពិតជាបានរងគ្រោះដោយសារតែដើមឈើរលំសង្កត់ពិតប្រាកដមែន ៕
ចែករំលែកព័តមាននេះ