ចិន ៖ តាមប្រភពព័ត៌មាន Madium បានឲ្យដឹងថា បុរសចំណាស់វ័យ៦៣ឆ្នាំ ត្រូវបានបញ្ជូនមកមន្ទីរពេទ្យ ដោយសារតែមានឆ្អឹងត្រីស្ទះនៅទ្វារលាមក។ នៅមុនពេលរឿងហេតុនេះកើតឡើង បុរសចំណាស់ដែលត្រូវបានគេស្គាល់ថា…
ចិន ៖ តាមប្រភពព័ត៌មាន Madium បានឲ្យដឹងថា បុរសចំណាស់វ័យ៦៣ឆ្នាំ ត្រូវបានបញ្ជូនមកមន្ទីរពេទ្យ ដោយសារតែមានឆ្អឹងត្រីស្ទះនៅទ្វារលាមក។
នៅមុនពេលរឿងហេតុនេះកើតឡើង បុរសចំណាស់ដែលត្រូវបានគេស្គាល់ថា ឈ្មោះ Zhou បានពិសារសម្លស្ងោរកូនត្រីយ៉ាងរីករាយ។ ដោយសារតែឃើញត្រីតូចៗពេក គាត់ក៏ពិសារទាំងមូលតែម្តង ដោយលេបទាំងឆ្អឹង។ គាត់រំពឹងថា វានឹងរំលាយអស់នៅក្នុងក្រពះ។ តែតាមការពិតមិនដូចនេះទេ។
នៅថ្ងៃស្អែកបន្ទាប់ពីថ្ងៃពិសារសម្លត្រី លោកតា Zhou មានអារម្មណ៍ឈឺចាប់យ៉ាងខ្លាំងនៅរន្ធគូថ ពេលគាត់ចង់បន្ទោរបង់លាមក។ ដោយទ្រាំមិនបាន គាត់ក៏ឲ្យកូនបញ្ជូននៅខេត្ត Chengdu ដែលនៅទីនោះគេឃើញវត្ថុស្រួចៗជាច្រើននៅក្នុងគូថរបស់លោកតា តាមរយៈ CT Scan។
ក្រោយពីការសួរនាំ គ្រូពេទ្យសម្រេចថា វាជាឆ្អឹងត្រី។ ការវះកាត់ត្រូវបានធ្វើឡើងដោយចំណាយពេល២ម៉ោង។ គ្រូពេទ្យបានយកឆ្អឹងត្រីចេញពីរន្ធគូថបាន១០០។ ទោះបីជាយកចេញមកបានច្រើនហើយក៏ដោយ ក៏មានឆ្អឹងខ្លះជាប់នឹងកន្លែងគ្រោះថ្នាក់ដែលមានសរសៃឈាមធំៗផងដែរ។ គ្រូពេទ្យបានឲ្យលោកតា Zhou ទៅសម្រាកផ្ទះមួយសប្តាហ៍សិន។ ប្រសិនបើមួយសប្តាហ៍ហើយ មិនឈឺអ្វីទេ នោះមិនចាំបាច់មកពេទ្យវិញទេ។
សូមប្រយ័ត្ន កុំចេះតែគិតថា ត្រីតូច ឬត្រីធំ។ អ្វីដែលសំខាន់ គឺទំហំឆ្អឹងរបស់វា។ បើមិនតូចខ្លាំងទេ អ្នកគួរខ្ជាក់វាចេញ។ ប្រយ័ត្នដូចលោកតា Zhou!
ចែករំលែកព័តមាននេះ