ខេត្តរតនគីរី ៖ ឈើសុក្រំ ឈើកកោះ និងឈើគគីររាប់សិបដុំ ដែលឈ្មួញលាក់ទុកក្នុងចំការចន្ទី ត្រូវបានកម្លាំងចម្រុះ ចុះបង្ក្រាបរឹបអូសយកមករក្សារទុកនៅខណ្ឌរដ្ឋបាលព្រៃឈើខេត្ត ។ ការចុះបង្ក្រាបរឹបអូសនោះបានធ្វើឡើងនៅថ្ងៃទី១២…
ខេត្តរតនគីរី ៖ ឈើសុក្រំ ឈើកកោះ និងឈើគគីររាប់សិបដុំ ដែលឈ្មួញលាក់ទុកក្នុងចំការចន្ទី ត្រូវបានកម្លាំងចម្រុះ ចុះបង្ក្រាបរឹបអូសយកមករក្សារទុកនៅខណ្ឌរដ្ឋបាលព្រៃឈើខេត្ត ។ ការចុះបង្ក្រាបរឹបអូសនោះបានធ្វើឡើងនៅថ្ងៃទី១២ ខែមិនា ឆ្នាំ២០១៨ ស្ថិតក្នុងភូមិសាទុក ឃុំប៉ូយស្រុកអូរជុំ ខេត្តរតនគិរី ។
ការចុះបង្ក្រាបនោះក្រោមការបញ្ជាផ្ទាល់ពីលោកឧត្តមសេនីយ៍ត្រី គឹម រស្មី មេបញ្ជាការអាវុធហត្ថខេត្តបានចុះទៅបង្ក្រាបការលួចដឹកជញ្ជូនឈើ ដែលក្រុមឈ្មួញយកមកលាក់ទុកនៅទីតាំងខាងលើនេះ ។
គំនរឈើនេះត្រូវបានកម្លាំងសម្ងាត់តាមដានជាយូរថ្ងៃមកហើយ ទើបកំណត់ពេលធ្វើការបង្ក្រាបបានតែម្តង ។
ឈើដែលបង្ក្រាបបាននោះជាប្រភេទគគីរ កកោះ និងសុក្រំ មានមុខកាត់ធំៗ ប្រវែងចាប់២ទៅ៤ម៉ែត្រ ជាច្រើនដុំ រួចហើយប្រគល់ជូនឱ្យខណ្ឌរដ្ឋបាលព្រៃឈើខេត្តរតនគីរី ចាត់ការបន្តតាមច្បាប់ព្រៃឈើ ។
ទូរលេខឈើពិតប្រាកដមិនទាន់ដឹងចំនួនប៉ុន្មានម៉ែត្រគូបនៅឡើយទេ ជុំនាញកំពុងធ្វើការវាស់វែង ៕
ចែករំលែកព័តមាននេះ