រាជធានីភ្នំពេញ ៖ កាលពីថ្ងៃទី២៨ កក្កដា កន្លងទៅនៅរាជបណ្ឌិត្យសភាកម្ពុជា មានរៀបចំធ្វើសិក្ខាសាលាស្ដីអំពីការស្រាវជ្រាវ និងគ្រប់គ្រងហេដ្ឋារចនាសម្ព័ន្ធផ្លូវដែកនៅកម្ពុជា ដែលបានធ្វើបទបង្ហាញដោយបេក្ខជនលោកបណ្ឌិត សុខុម ភគវន្ដមុនី រដ្ឋលេខាធិការក្រសួងសាធារណការ និងដឹកជញ្ជូន ដើម្បីការពារសាកល្បងថ្នាក់បណ្ឌិត ។ អង្គសិក្ខាសាលាត្រូវបានបេក្ខជនបណ្ឌិត មានប្រសាសន៍ថា គមនាគមន៍ផ្លូវដែកបានចូលរួមចំណែកយ៉ាងសំខាន់ក្នុងការកាត់បន្ថយភាព ក្រីក្ររបស់ប្រជាពលរដ្ឋរស់នៅតាមតំបន់ដាច់ ស្រយាលជាច្រើនទសវត្សមកហើយ តាមមធ្យោបាយនេះ ប្រជាពលរដ្ឋដែលមានជីវ ភាពខ្វះខាត អាចធ្វើដំណើរតាមរថភ្លើងបាន ជាពិសេសការដឹកជញ្ជូនតាមរថភ្លើងផ្ទុកបាន បរិមាណច្រើនចំណែកថ្លែឈ្នួលដឹកជញ្ជូនក៏ មានតំលៃទាប ព្រមទាំងផ្ដល់នូវប្រសិទ្ធភាព ខ្ពស់ដល់វិស័យសង្គមកិច្ច និងសេដ្ឋកិច្ចផង ។ លោកបណ្ឌិតបេក្ខជនបានបន្ដទៀតថា ក្នុងរយៈពេលជាង២ទសវត្សកន្លងមកនេះ ផ្លូវដែក កម្ពុជាបានឆ្លងកាត់នូវដំណាក់កាលជាច្រើន ជាពិសេសក្នុងសម័យសង្គ្រាមដែលធ្វើឱ្យផ្លូវដែក រងនូវការបំផ្លិចបំផ្លាញស្ទើរតែទាំងស្រុង ។
ប៉ុន្ដែ ក្រោមនយោបាយឈ្នះ=ឈ្នះរបស់រាជរដ្ឋា ភិបាលកម្ពុជា ប្រទេសជាតិទទួលបានឡើងវិញ នូវសុខសន្ដិភាពពេញផ្ទៃប្រទេសដែលជាឱកាស មួយសំរាប់ឱ្យផ្លូវដែកធ្វើការជួសជុល និងអភិវឌ្ឍន៍ជាបណ្ដើរៗ ។ ការស្ដារឡើងវិញនូវបណ្ដាញផ្លូវដែកមានស្រាប់ ការសាងសង់បណ្ដាញផ្លូវដែកថ្មី ជាពិសេសការតភ្ជាប់ផ្លូវដែកអន្ដរជាតិពីសឹង្ហបុរី គុនមិញ ប្រទេសចិន (SKRL) នាពេលអនាគត ដ៏ឆាប់នេះ នឹងបានបញ្ជាក់យ៉ាងច្បាស់លាស់នូវអត្ថន័យ និងខ្លឹមសារនៃការធ្វើសមាហរណកម្ម សេដ្ឋកិច្ចដឹកជញ្ជូនរបស់ប្រទេសកម្ពុជា រួមទាំងការអភិវឌ្ឍន៍វិស័យសង្គមកិច្ច សេដ្ឋកិច្ច ពាណិជ្ជកម្ម ឧស្សាហកម្ម និងទេសចរណ៍ តាមរយៈនៃការដឹកជញ្ជូនតាមខ្សែរថភ្លើង ដោយឆ្លងកាត់ ទៅវិញទៅមក ជាមួយនឹងបណ្ដាប្រទេសនៅ ក្នុងតំបន់ និងពិភពលោកពិតប្រាកដ ។ ដូច្នេះសិក្ខាសាលាស្ដីអំពីការស្រាវជ្រាវ និងការគ្រប់ គ្រងហេដ្ឋារចនាសម្ព័ន្ធផ្លូវដែកកម្ពុជាថ្ងៃនេះ មានសារប្រយោជន៍ខ្លាំងណាស់ ៕
ចែករំលែកព័តមាននេះ