ខេត្តឧត្តរមានជ័យ ៖ បុរសម្នាក់ជិះម៉ូតូដឹកត្រីលក់តាមស្រុកស្រែចំការត្រូវដើមឈើបាក់រលំសង្កត់ស្លាប់បាត់បង់ជីវិតភ្លាមៗនៅនឹងកន្លែងកើតហេតុកាល់ពីម៉ោង៩និង៣០នាទីព្រឹក ថ្ងៃទី១២ ខែមីនា ឆ្នាំ២០១៨ ។ ហេតុការណ៍នេះបានកើតឡើងនៅតាមផ្លូវលំមួយខ្សែ ស្ថិតក្នុងភូមិត្រពាំងធំ ឃុំលំទង ស្រុកអន្លង់វែង ខេត្តឧត្តរមានជ័យ ។
ជនរងគ្រោះដែលដើមឈើរលំសង្កត់ពីលើឈ្មោះ ស៊ីម ផ្លោក ភេទប្រុស អាយុ២៦ឆ្នាំ រស់នៅភូមិអណ្ដូងចាន់ ឃុំស្រែណូយ ស្រុកវ៉ារិន ខេត្តសៀម ។
ប្រជាពលរដ្ឋអ្នកភូមិបានឱ្យដឹងថា ជនរងគ្រោះមុនពេលកើតហេតុគេបានសង្កេតឃើញតែងតែជិះម៉ូតូដឹកត្រីលក់ឱ្យអ្នកភូមិទិញហូបជារៀងរាល់ថ្ងៃ ហើយនៅក្នុងថ្ងៃកើតហេតុនេះមានដើមឈើធំមួយដើមភ្លើងព្រៃកំពុងឆេះគល់ដាច់ត្រូវដួលរលំ ខណៈនោះស្របពេលនឹងជនរងគ្រោះជិះម៉ូតូទៅដល់តែម្តងបណ្តាលឱ្យបាក់សង្កត់មនុស្សនឹងម៉ូតូស្លាប់ភ្លាមៗនៅនឹងកន្លែងកើតហេតុ ។
ប៉ូលិសស្រុកអន្លង់វែងបានឱ្យដឹងថា ក្រោយពីបានទទួលនូវព័ត៌មានរាយការណ៍សមត្ថកិច្ចបានទៅដល់នឹងកន្លែងកើតហេតុដើម្បីធ្វើការពិនិត្យឃើញថា ជនរងគ្រោះពិតជាបានរងគ្រោះដោយសារតែដើមឈើរលំសង្កត់ពិតប្រាកដមែន សមត្ថកិច្ចបានប្រគល់សាកសព្វទៅឱ្យក្រុមគ្រួសារធ្វើបុណ្យទៅតាមប្រពៃណី ៕
ចែករំលែកព័តមាននេះ