ខេត្តព្រះសីហនុ ៖ អំណោយសប្បុរសធម៏មូលនិធិសម្ព័ន្ធអ្នកសារព័ត៏មានកម្ពុជាសាខាខេត្តព្រះសីហនុបានយកមកប្រគល់ជូនដល់លោកគ្រូ ចាន់ ធឿង ដល់លំនៅដ្ឋានរបស់លោកដែលមានទីតាំងស្ថិតនៅភូមិ០១ សង្កាត់លេខ០១ ក្រុង-ខេត្តព្រះសីហនុ កាលពីរសៀលថ្ងៃទី០៩ ខែមីនា ឆ្នាំ២០១៨ កន្លងមកនេះដែលលោកគ្រូមានជម្ងឺមហារីកធ្ងន់ធ្ងរ អស់លទ្ធភាពក្នុងការព្យាបាល ។
ការពាំនាំយកអំណោយសប្បុរសធម៏ទៅប្រគល់ជូនខាងលើដឹកនាំដោយលោក ឈុន សារុំ ប្រធានសាខាសម្ព័ន្ធអ្នកសារព័ត៏មានខេត្តព្រះសីហនុរួមជាមួយប្រតិភូរួមដំណើរជាសមាជិកនៅក្នុងសាខាសម្ព័ន្ធខាងលើបានទៅចូលរួមសំណេះសំណាល ជាការលើកទឹកចិត្តដល់លោកគ្រូដែលកំពុងមានជម្ងឺ ។
លោក ឈុន សារុំ បានឲ្យដឹងថា នេះជាគំនិតផ្តួចផ្តើមរបស់លោក និងមានការចូលរួមពីសមាជិកនៅក្នុងសាខាសម្ព័ន្ធអ្នកសារព័ត៏មានកម្ពុជាប្រចាំខេត្តព្រះសីហនុ ក្នុងសកម្មភាពសប្បុរសធម៏ ចេះជួយសម្រាលគ្នាក្នុងពេលមានធុរៈ ។ អំណោយកទៅប្រគល់ជូនតាមពេលវេលាខាងលើ រួមមានគ្រឿងឧបភោគ បរិភោគ និងថវិការចំនួន៦២៤០០០រៀលផងដែរ ៕
ចែករំលែកព័តមាននេះ