ខេត្តឧត្តរមានជ័យ ៖ បុរសម្នាក់ជាជនសង្ស័យត្រូវបានប៉ូលិសធ្វើការឃាត់ខ្លួន ដោយជាប់ពាក់ព័ន្ធពីបទជួញដូរនូវសារធាតុញៀន កាលពីវេលាម៉ោង១០ព្រឹក ថ្ងៃទី៩ មិននេះ ស្ថិតនៅក្នុងភូមិត្រពាំងតាវ ឃុំត្រពាំងតាវ ស្រុកអន្លង់វែង…
ខេត្តឧត្តរមានជ័យ ៖ បុរសម្នាក់ជាជនសង្ស័យត្រូវបានប៉ូលិសធ្វើការឃាត់ខ្លួន ដោយជាប់ពាក់ព័ន្ធពីបទជួញដូរនូវសារធាតុញៀន កាលពីវេលាម៉ោង១០ព្រឹក ថ្ងៃទី៩ មិននេះ ស្ថិតនៅក្នុងភូមិត្រពាំងតាវ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។
ជនសង្ស័យដែលជាប់ពាក់ព័ន្ធនឹងគ្រឿងញៀនឈ្មោះ ឆេង នីម ភេទប្រុស អាយុ៣៨ឆ្នាំ រស់នៅភូមិឃុំកើតហេតុខាងលើ មុខរបរមិនពិតប្រាកដ ។ ប៉ូលិសដកហូតវត្ថុតាងថ្នាំញៀនប្រភទមេតាំហ្វេតាមីន ម្សៅក្រាមពណ៌សថ្លាម៉ាទឹកកក ចំនួន១៧កញ្ចប់តូច និងទូរស័ព្ទដៃចំនួន៤គ្រឿង ។
ប៉ូលិសស្រុកអន្លង់វែងបានឱ្យដឹងថា ក្រោយពីបានទទួលនូវព័ត៌មានរាយការណ៍រួចមក សមត្ថកិច្ចបានចាត់កម្លាំងឃាត់ខ្លួនបុរសរូបនេះ ហើយធ្វើការឆែកឆេរកឃើញថ្នាំញៀន ។
សមត្ថកិច្ចបាននាំខ្លួនជនសង្ស័យមកអធិការស្រុកធ្វើការសាកសួរ យោងតាមចម្លើយជនសង្ស័យបានឆ្លើយសារភាពថា ខ្លួនពិតជាបានរកស៊ីជួញដូរពិតប្រាកដមែន យោងតាមចម្លើយនឹងយោងទៅលើវត្ថុតាងសមត្ថកិច្ចបានក៏បានកសាងសំណុំរឿងជនសង្ស័យទៅស្នងការដ្ឋាននគបាលខេត្តឧត្តរមានជ័យចាត់ការបន្ត ៕
ចែករំលែកព័តមាននេះ