ខេត្តឧត្តរមានជ័យ ៖ បុរសម្នាក់ជាជនពិការគ្រាន់តែប្រពន្ធស្តីបន្ទោសបន្តិចបន្ទួចសោះ បានដាច់ចិត្តចង.កសម្លាប់ខ្លួនចោលប្រពន្ធនឹងកូន កាលពីវេលាម៉ោង១រំលងអាធ្រាត្រឈានចូលថ្ងៃទី៨ មិនា ២០១៨ ។ ហេតុការណ៍នេះកើតឡើងនៅភូមិថ្លាត ឃុំថ្លាត…
ខេត្តឧត្តរមានជ័យ ៖ បុរសម្នាក់ជាជនពិការគ្រាន់តែប្រពន្ធស្តីបន្ទោសបន្តិចបន្ទួចសោះ បានដាច់ចិត្តចង.កសម្លាប់ខ្លួនចោលប្រពន្ធនឹងកូន កាលពីវេលាម៉ោង១រំលងអាធ្រាត្រឈានចូលថ្ងៃទី៨ មិនា ២០១៨ ។ ហេតុការណ៍នេះកើតឡើងនៅភូមិថ្លាត ឃុំថ្លាត ស្រុកអន្លង់វែង ខេត្តឧត្តរមានជ័យ ។
ជនរងគ្រោះឈ្មោះ រ៉េត ថន ភេទប្រុស អាយុ៣៦ឆ្នាំ រស់នៅក្នុងភូមិឃុំកើតហេតុខាងលើ ។
ប្រពន្ធជនរងគ្រោះបានឱ្យដឹងថា ប្តីរបស់ខ្លួនមុនពេលកើតហេតុនៅរសៀលថ្ងៃទី៧ មិនានេះបានរៀបចំខ្លួនចេញពីផ្ទះទៅចូលរួមពិធីមង្គលការកូនប្រុសស្រីអ្នកភូមិជិតខាង ហើយបានផឹកស៊ីយ៉ាងស្រវឹងជោកជាំ ពេលត្រឡប់មកដល់ផ្ទះ រូបខ្លួនជាប្រពន្ធបានស្តីបន្ទោសបន្តិចបន្ទួចសោះ ស្រាប់តែដាច់ចិត្តយកអាវដៃវែងទៅចង.ក នៅជាប់នឹងមែកឈើខាងក្រោយផ្ទះស្លាប់បាត់បង់ជីវិតតែម្តង ។
ប៉ូលិសស្រុកអន្លង់វែងបានឱ្យដឹងថា ក្រោយពីបានទទួលនូវព័ត៌មានរាយការណ៍ពីក្រុមគ្រួសាររួចមក សមត្ថកិច្ចបានចុះទៅនឹងកន្លែងកើតហេតុពិនិត្យទៅលើសព ហើយបានធ្វើកោសល្យវិច្ច័យ ឃើញថា ជនរងគ្រោះពិតជាបានចង.កសម្លាប់ខ្លួនពិតប្រាកដមែន រួចប៉ូលិសបានប្រគល់សពទៅឱ្យសាច់ញាតិធ្វើបុណ្យទៅតាមប្រពៃណី ៕
ចែករំលែកព័តមាននេះ