ខេត្តឧត្តរមានជ័យ ៖ បុរសម្នាក់ដែលជាកូនបង្កើតមានចិត្តជាសត្វតិរច្ឆានបានទាញយកកាំបិតខ្វែវ កាប់មកលើឪពុកបង្កើត២កាំបិត បណ្តាលឱ្យរងរបួសធ្ងន់ ខណៈគ្រាន់តែស្តីបន្ទោសបន្តិចបន្ទួច កាលពីវេលាម៉ោង៦និង៤០នាទីល្ងាចថ្ងៃទី០៩ ខែមិនានេះ ហេតុការណ៍បានកើតឡើងនៅក្នុងភូមិឈើក្រំ សង្កាត់កូនគ្រៀល ក្រុងសំរោង ខេត្តឧត្តរមានជ័យ ។
ជនសង្ស័យដែលបានប្រើអំពើហិង្សាទៅលើឪពុកបង្កើតរបស់ខ្លួន ឈ្មោះ សារ៉ាត់ ផែន ភេទប្រុស អាយុ២៣ឆ្នាំត្រូវជាកូនបង្កើតបានយកកាំបិតមកកាប់ឪពុកខ្លួនឯង ត្រូវចំក្បាល១កាំបិត និងចំដៃខាងស្ដាំ១កាំបិតបណ្ដាលឲ្យមានរបួសធ្ងន់ ដែលឪពុកឈ្មោះ អ៊ុ សារ៉ាត់ អាយុ៥៧ឆ្នាំ រស់នៅក្នុងភូមិសង្កាត់កើតហេតុខាងលើត្រូវបាននាំយកទៅធ្វើកាសង្គ្រោះនៅមន្ទីរពេទ្យខេត្ត ចំណែកកូនជាជនដៃដល់ប៉ូលិសធ្វើការឃាត់ខ្លួនភ្លាមៗតែម្តង ។
ប៉ូលិសប៉ុស្តិ៍រដ្ឋបាលសង្កាត់កូនគ្រៀលបានឱ្យដឹងថា មុនពេលកើតហេតុជនសង្ស័យជាកូន តែងតែដើរផឹកស៊ីដោយមិនជួយធ្វើកិច្ចការងាររកស៊ីឪពុកម្តាយ ហើយស្រវឹងស្រាស្ទើតែរាល់ថ្ងៃ ខណៈក្នុងថ្ងៃកើតហេតុនេះឪពុកបានស្តីបន្ទោសបន្តិចបន្ទួច ជនសង្ស័យជាកូន បានទាញយកកាំបិតខ្វែវ មកកាប់ឪពុកចំនួន២កាំបិតបណ្តាល ឱ្យរងរបួសធ្ងន់ ក្រោយពីបានប្រើអំពើហិង្សាប៉ូលិសក៏បានឃាត់ខ្លួននាំមកប៉ុស្តិ៍ធ្វើការសាកសួរ និងកសាងសំណុំរឿងបញ្ជូនទៅស្នងការដ្ឋាននគបានខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ