ខេត្តរតនគីរី ៖ កម្លាំងការិយាល័យប្រឆាំងគ្រឿងញៀន បានឃាត់ខ្លួនស្ត្រីថៅកែខារ៉ាអូរខេម្នាក់ តាមអំណាចសាលក្រម ពីបទជួញដូរដោយខុសច្បាប់នៅសារធាតុញៀនតាំងពីឆ្នាំ២០១៧ តាមអំណាចដីកាបង្គាប់ឲ្យចាប់ខ្លួនលេខ០៤/២០១៨ ចុះថ្ងៃទី៨ ខែកុម្ភៈ ឆ្នាំ២០១៨…
ខេត្តរតនគីរី ៖ កម្លាំងការិយាល័យប្រឆាំងគ្រឿងញៀន បានឃាត់ខ្លួនស្ត្រីថៅកែខារ៉ាអូរខេម្នាក់ តាមអំណាចសាលក្រម ពីបទជួញដូរដោយខុសច្បាប់នៅសារធាតុញៀនតាំងពីឆ្នាំ២០១៧ តាមអំណាចដីកាបង្គាប់ឲ្យចាប់ខ្លួនលេខ០៤/២០១៨ ចុះថ្ងៃទី៨ ខែកុម្ភៈ ឆ្នាំ២០១៨ ចេញដោយលោក ជា ពេជ្រ ព្រះរាជអាជ្ញាអមសាលាដំបូងខេត្តរតនគីរី ។
ការឃាត់ខ្លួនស្ត្រីភិរុទ្ធជននេះ បានធ្វើឡើងនៅវេលាម៉ោង១៣និង០០នាទីថ្ងៃទី៧ ខែមិនា នៅភូមិលោម ឃុំម៉ាលិក ស្រុកអណ្តូងមាស ខេត្តរតនគីរី ។ ដោយមានកម្លាំងការិយាល័យជំនាញសហការជាមួយកម្លាំងអធិការស្រុកអណ្តូងមាស ដឹកនាំដោយលោកវរសេនីយ៍ទោ លាង អឹម នាយការិយាល័យប្រធានការិយាល័យប្រឆាំងគ្រឿងញៀន ។ ហើយស្ត្រីដែលត្រូវបានសមត្ថកិច្ចឃាត់ខ្លួននោះឈ្មោះ ឈិន ឆេងលឹម អាយុ៣៩ឆ្នាំ ជនជាតិខ្មែរ មុខរបរបើកខារ៉ាអូរខេហ្គោល នៅភូមិលោម ឃុំម៉ាលិក ស្រុកអណ្តូងមាស ខេត្តរតនគីរី ។
សមត្ថកិច្ចជំនាញបានឱ្យដឹងថា សមត្ថកិច្ចបានចុះអនុវត្តដីកាបង្គាប់ចាប់ខ្លួនលេខ០៤/២០១៨ចុះ ថ្ងៃទី៨ខែកុម្ភៈ ឆ្នាំ២០១៨ ចេញដោយលោក ឈុន ចន្ទ័សីហា ចៅក្រមជំនុំជម្រះនៃសាលាដំបូងខេត្តរតនគីរី ។
ស្ត្រីដែលត្រូវចាប់ខ្លួននោះពីបទជួញដូរដោយខុសច្បាប់នៅសារធាតុញៀនប្រព្រឹតនៅភូមិលោម ឃុំម៉ាលិក ស្រុកអណ្តូងមាស ខេត្តរតនគីរី កាលពីថ្ងៃទី១១ ខែឧសភា ឆ្នាំ២០១៧ ។ ដែលជាប្រភេទទោសតាមអំណាចសាលក្រមជាប់ពន្ធនាគាកំណត់៥ឆ្នាំ គិតពីថ្ងៃចាប់ខ្លួនបាន ។
ក្រោយពេលសមត្ថកិច្ចបានធ្វើការឃាត់ខ្លួនរួច បញ្ជូនមកការិយាល័យប្រឆាំងគ្រឿងញៀន ធ្វើកំណត់ហេតុបញ្ជូនខ្លួនបន្តទៅអយ្យការអមសាលាដំបូងខេត្ត ដើម្បីអនុវត្តតាមនីតិវិធីច្បាប់ ៕
ចែករំលែកព័តមាននេះ