ខេត្តឧត្តរមានជ័យ ៖ បុរសជាកម្មករម្នាក់បានដេកស្លាប់នៅក្នុងបន្ទប់ស្នាក់នៅរបស់ក្រុមហ៊ុនកាស៊ីណូ ស្លាប់ចោលប្រពន្ធ និងកូន កាលពីវេលាម៉ោងប្រមាណ០២និង២២រំលងអាធ្រាត្រ ឈានចូលថ្ងៃទី០៨ ខែមីនា ឆ្នាំ២០១៨ ។…
ខេត្តឧត្តរមានជ័យ ៖ បុរសជាកម្មករម្នាក់បានដេកស្លាប់នៅក្នុងបន្ទប់ស្នាក់នៅរបស់ក្រុមហ៊ុនកាស៊ីណូ ស្លាប់ចោលប្រពន្ធ និងកូន កាលពីវេលាម៉ោងប្រមាណ០២និង២២រំលងអាធ្រាត្រ ឈានចូលថ្ងៃទី០៨ ខែមីនា ឆ្នាំ២០១៨ ។ ហេតុការណ៍នេះកើតឡើងនៅក្នុងភូមិជប់គគី ឃុំបេង ស្រុកបន្ទាយអម្ពឹល ខេត្តឧត្តរមានជ័យ ។
ជនរងគ្រោះឈ្មោះ យឹម សារឿន ភេទប្រុស អាយុ៤៤ឆ្នាំ រស់នៅភូមិឈូកមាស សង្កាត់កូនក្រៀល ក្រុងសំរោង ខេត្តឧត្តរមានជ័យ មុខរបរជាងកំបោ ប្រពន្ធឈ្មោះ អេវ សុខខុម អាយុ៤២ឆ្នាំ មកស្នាក់នៅជាមួយប្ដីមានកូនចំនួន៤នាក់ ស្រី២នាក់ ។
នគរបាលប៉ុស្តិ៍រដ្ឋបាលឃុំបេង បានឱ្យដឹងថា ក្រោយពីបានទទួលនូវព័តមានរាយការណ៍ពីក្រុមហ៊ុន សមត្ថកិច្ចជំនាញបានចុះទៅធ្វើការពិនិត្យ និងធ្វើកោសល្យវិច្ច័យឃើញថា ជនរងគ្រោះស្លាប់ដោយកើតខ្យល់គរ ។ នគរបាលបានប្រគល់សាកសពទៅឱ្យក្រុមគ្រួសារធ្វើបុណ្យទៅតាមប្រពៃណី ។ គួរំឭកថា កម្មករកាស៊ីណូដែលដេកស្លាប់នៅក្នុងបន្ទប់ស្នាក់នៅជាលើកទី២ហើយ ៕
ចែករំលែកព័តមាននេះ